முழு உலகையும் ஆட்டிப்படைக்கும் கொரோனா தொற்றின் பரவல் நாளுக்கு நாள் அதிகரித்து செல்லும் நிலையில், இந்தியாவின் தமிழகத்தில் கொரோனா பரவலை தடுக்கும் வகையில் எதிர்வரும் 14ஆம் திகதி வரை தளர்வுகளுடன் கூடிய ஊரடங்கு அமுலில் உள்ளது.

இந்நிலையில், கோவை, நீலகிரி, திருப்பூர், ஈரோடு, சேலம், கரூர், நாமக்கல், தஞ்சாவூர், திருவாரூர், நாகப்பட்டினம், மயிலாடுதுறை ஆகிய 11 மாவட்டங்களில் தொற்று பரவல் தொடர்ந்து கூடுதலாகவே உள்ளதால் முழுநேர ஊரடங்கு முழுமையாக அமுல்படுத்தப்பட்டது. ஒருசில தளர்வுகள் மட்டும் அங்கு அறிவிக்கப்பட்டு இருந்தன.

இந்நிலையில், தளர்வுகளுடன் கூடிய  ஊரடங்கு முடிய இன்னும் சில நாட்களே உள்ள நிலையில், முதலமைச்சர் மு.க.ஸ்டாலின் இன்று உயர் அதிகாரிகளுடன்  ஊரடங்கு குறித்து பேச்சுவார்த்தையில் ஈடுபட்டுள்ளார். 

இந்நிலையில், தமிழகத்தில் மேலும் ஒரு வாரம் ஊரடங்கை நீட்டிக்க உயர் அதிகாரிகள் பரிந்துரைத்ததாக தகவல் வெளியாகியுள்ளது. 

மேலும் கொரோனா தொற்று அதிகமாக உள்ள 11 மாவட்டங்களுக்கு தளர்வுகள் இல்லாத ஊரடங்கு அமுல்படுத்த கூட்டத்தில் முடிவு செய்யப்பட்டுள்ளதாக அந்நாட்டு ஊடகங்கள் தகவல் வெளியிட்டுள்ளன.