தவறவிடாதீர்கள்..!உடனே பதிவு செய்யுங்கள்

கிழக்கு மாகாண முன்னாள் முதலமைச்சர் நஜீப் ஏ மஜீட் ஜனநாயக இடதுசாரி முன்னணியில் திருகோணமலை மாவட்ட அமைப்பாளர் ரியாஸ்தீன் தலைமையில் நேற்று(17) கொழும்பில் வைத்து உத்தியோகபூர்வமாக இணைந்து கொண்டார்.

இதன்போது ஜனநாயக இடதுசாரி முன்னணியின் தலைவரும் தேசிய நீர்வழங்கள் வடிகாலமைப்பு அமைச்சருமான வாசுதேவநாணயகாரவிடம் கட்சி அங்கத்துவத்தை நஜீப் ஏ மஜீட் பெற்றுக்கொண்டதோடு ஜனநாயக இடதுசாரி முன்னணியின் எதிர்கால அரசியல் செயற்பாடுகளை திருகோணமலை மாவட்டத்தில் எவ்வாறு முன்னெடுப்பது என்பது தொடர்பாகவும் மாகாணசபை மற்றும் உள்ளூராட்சி மன்றங்களில் கட்சியின் பிரதிநிதித்துவங்களை அதிகரிப்பது தொடர்பிலும் விரிவான கலந்துரையாடல் இடம்பெற்றது.

இக்கந்துரையாடலில் ஜனநாயக இடதுசாரி முன்னணியின் தலைவரும் தேசிய நீர்வழங்கள் வடிகாலமைப்பு அமைச்சருமான வாசுதேவ நாணயகார, கட்சியின் கிழக்கு மாகாண இணைப்பாளர் மரைக்கார்,முன்னாள் கிழக்கு மாகாண முதலமைச்சர் நஜீப் ஏ மஜீட், ஜனநாயக இடதுசாரி முன்னணியின் திருகோணமலை மாவட்ட இணைப்பாளர் ரியாஸ்தீன் ஆகியோருடன் கட்சியின் உயர்பீட உறுப்பினர்களும் கலந்துகொண்டனர்.