தவறவிடாதீர்கள்..!உடனே பதிவு செய்யுங்கள்

சீனாவின்  வுகான் நகரில் ஆரம்பமான கொரோனா வைரஸ் உலக நாடுகளை உலுக்கி வருகிறது. வைரஸ் தொற்று பரவி ஏறத்தாழ ஒரு ஆண்டு கடந்து விட்டாலும் இதன் வீரியம் சிறிதளவேனும் குறைந்தபாடில்லை.

கொரோனா பாதிப்பு அதிகமுள்ள நாடுகளின் பட்டியலில் இந்தியா, பிரேசில், ரஷ்யா, அமெரிக்கா, பிரான்ஸ்,  ஆகியவை முதல் இடங்களில் உள்ளன. இந்நிலையில், உலகம் முழுவதும் கொரோனாவால் பாதிப்பு அடைந்தோர் எண்ணிக்கை 14.35 கோடியைக் கடந்துள்ளதாக புள்ளிவிபரங்கள் தெரிவிக்கின்றன.

கொரோனா பாதிப்பில் இருந்து இதுவரை சுமார் 12.18 கோடிக்கும் அதிகமானோர் குணமடைந்துள்ளதுடன், வைரஸ் தாக்குதலுக்கு இதுவரை 30.56 லட்சத்துக்கும் மேற்பட்டோர் உயிரிழந்துள்ளமையும் குறிப்பிடதக்கது. 

அத்தோடு, வைரஸ் பரவியவர்களில் 1.85 கோடிக்கும் அதிகமானோர் சிகிச்சை பெற்று வருகின்ற நிலையில், சிகிச்சை பெறுபவர்களில் ஒரு லட்சத்து 9 ஆயிரத்துக்கு 400க்கு மேற்பட்டோரின் நிலைமை கவலைக்கிடமாக உள்ளதாகவும் தெரிவிக்கப்பட்டுள்ளது.