தவறவிடாதீர்கள்..!உடனே பதிவு செய்யுங்கள்

'மக்கள் செல்வன்' விஜய் சேதுபதி நடிப்பில் தயாரான 'மாமனிதன்' படத்தின் அப்டேட் வெளியாகிறது.

சிறந்த இயக்குனருக்கான தேசிய விருது பெற்ற இயக்குனர் சீனு ராமசாமி இயக்கத்தில் தயாரான திரைப்படம் 'மாமனிதன்'.

இந்தப் படத்தில் மக்கள் செல்வன் விஜய் சேதுபதி கதையின் நாயகனாக நடிக்க, அவருக்கு ஜோடியாக நடிகை காயத்ரி நடித்திருக்கிறார்.

இவர்களுடன் நடிகர் குரு சோமசுந்தரம், எழுத்தாளரும் நடிகருமான ஷாஜி, நடிகர் சரவண சக்தி உள்ளிட்ட பலர் நடித்திருக்கிறார்கள்.

எம் சுகுமார் ஒளிப்பதிவு செய்திருக்கும் இந்த படத்திற்கு இசை ஞானி இளையராஜாவுடன் இணைந்து அவர்களது வாரிசுகளான கார்த்திக் ராஜாவும், யுவன் சங்கர் ராஜாவும் இணைந்து இசையமைத்திருக்கிறார்கள்.

'மாமனிதன்' திரைப்படம் தயாராகி இரண்டு ஆண்டுகள் நிறைவடைந்த நிலையில் பல்வேறு சிக்கல் காரணமாக இப்படம் வெளியாகாமல் இருந்தது.

இந்நிலையில் இப்படத்தின் இடம்பெற்ற சிங்கிள் ட்ராக் நாளை வெளியாகும் என படத்தின் நாயகனான விஜய் சேதுபதியும், இயக்குனரான சீனு ராமசாமியும் இணைந்து அறிவித்திருக்கிறார்கள்.

'தர்மதுரை' படத்தின் மிகப்பெரிய வெற்றிக்கு பிறகு மக்கள் செல்வன் விஜய் சேதுபதி - இயக்குனர் சீனு ராமசாமி இணைந்திருக்கும் 'மாமனிதன்' படத்திற்கு தற்போது பெரும் எதிர்பார்ப்பு இருக்கிறது.