சவுதி அராம்கோ நிலையத்தில் ஹவுத்தி படைகள் ஏவுகணை தாக்குதல்

Published By: Vishnu

04 Mar, 2021 | 12:16 PM
image

சவுதி அரேபியாவின் செங்கடல் நகரமான ஜெட்டாவில் உள்ள சவுதி அராம்கோ நிலையத்தில் யேமனின் ஹவுத்தி படைகள் ஏவுகணையை வீசியதாக ஹவுத்தி இராணுவ செய்தித் தொடர்பாளர் வியாழக்கிழமை தெரிவித்தார்.

ஆனால் சவுதி அதிகாரிகளிடமிருந்து இது தொடர்பில் உடனடியாக பதில் எதுவும் தெரிவிக்கப்படவில்லை.

சவுதி அராம்கோ, அதன் எண்ணெய் உற்பத்தி மற்றும் ஏற்றுமதி நிலையங்கள் பெரும்பாலும் சவுதி அரேபியாவின் கிழக்கு மாகாணத்தின் ஜெட்டாவிலிருந்து நாடு முழுவதும் 1,000 கிமீ (620 மைல்) தொலைவில் உள்ளன.

ஆறு ஆண்டுகளாக ஈரானுடன் இணைந்த ஹவுத்தி இயக்கத்துடன் போராடி வரும் சவுதி தலைமையிலான இராணுவ கூட்டணியின் செய்தித் தொடர்பாளருக்கு ரொய்ட்டர்ஸ் செய்திச் சேவை மேற்கொண்ட அழைப்புக்கு உடனடியாக பதில் கிடைக்கவில்லை.

ஹவுத்தி இராணுவ செய்தித் தொடர்பாளர் யஹ்யா சாரியா ஒரு ட்விட்டர் பதிவில், வியாழக்கிழமை அதிகாலை ஒரு ஏவுகணையைப் பயன்படுத்தி இந்த தாக்குதல் நடந்தது என்றும், அதன் இலக்கை விரிவாக தாக்கியதாகவும் கூறினார்.

வடக்கு யேமனைக் கட்டுப்படுத்தும் இந்த இயக்கம் கடந்த காலங்களில் சவுதி எரிசக்தி சொத்துக்களைத் தாக்கியுள்ளது. 

சர்வதேச அங்கீகாரம் பெற்ற அரசாங்கத்தை தலைநகர் சனாவில் அதிகாரத்திலிருந்து ஹவுத்திகள் வெளியேற்றிய பின்னர் 2015 மார்ச் மாதம் யேமனில் கூட்டணி தலையிட்டது.

யேமனின் எரிவாயு நிறைந்த மரிப் பிராந்தியத்திலும் மோதல் தீவிரமடைந்துள்ளதால் அமெரிக்காவும் ஐக்கிய நாடுகளும் சமாதான முயற்சிகளை புதுப்பித்துள்ளன. 

இதனிடையே அமெரிக்க கருவூலத் துறை செவ்வாயன்று இரண்டு ஹவுத்தி இராணுவத் தலைவர்கள் மீது புதிய பொருளாதாரத் தடைகளை விதித்தது.

சவுதி அரேபியாவிற்கும் ஈரானுக்கும் இடையிலான பினாமி யுத்தமாக இந்த மோதல் இப்பகுதியில் பரவலாகக் காணப்படுகிறது.

முக்கிய செய்திகள்

icon-left
icon-right

தொடர்பான செய்திகள்

news-image

தலைமுடி அடிப்படையிலான பாரபட்சங்களுக்கு தடை: பிரெஞ்சு...

2024-03-28 19:33:27
news-image

லாவோஸில் 54 பேருக்கு அந்த்ராக்ஸ் தொற்று:...

2024-03-28 16:11:44
news-image

சுவீடனில் குர்ஆனை எரித்தவர் நோர்வேயில் புகலிடம்...

2024-03-28 14:08:37
news-image

அமெரிக்காவில் கத்திக்குத்து தாக்குதலில் நால்வர் பலி...

2024-03-28 12:32:13
news-image

2 ஆவது சந்திர இரவை கடந்து...

2024-03-28 12:12:27
news-image

நான்கு வருடங்கள் இன்ஸ்டாவில் ஒன்றாக தோன்றி...

2024-03-28 12:02:59
news-image

காங்கிரஸ் கட்சியின் வங்கிக்கணக்கு முடக்கம் -...

2024-03-28 11:26:20
news-image

கொலம்பியாவில் 11 கோடியே 30 இலட்சம்...

2024-03-28 10:41:47
news-image

வான்வழி விநியோகத்தை நிறுத்துமாறு ஹமாஸ் கோரிக்கை:...

2024-03-27 18:56:33
news-image

ஜேர்மனியில் பேர்லின் - சூரிச் பஸ்...

2024-03-27 18:06:25
news-image

ஒரு பாலினத் திருமண சட்டமூலம் தாய்லாந்து...

2024-03-27 13:27:50
news-image

கடலுக்குள் விழுந்த உதவிப்பொருட்களை மீட்க முயன்ற...

2024-03-27 12:18:17