வவுனியாவில் பொலிஸ் விசேட அதிரடிபடையினர் மேற்கொண்ட சுற்றிவளைப்பில் இன்று அதிகாலை 12.30 மணியளவில் இருவர் கைது செய்யப்பட்டுள்ளனர்.

வவுனியா மடுக்கந்தை பொலிஸ் விசேட அதிரடிபடையினருக்கு  கிடைத்த  இரகசிய தகவலையடுத்து அவர்களால் மேற்கொள்ளபபட்ட விசேட நடவடிக்கையில் கஞ்சாப் பொதிகளுடன் இருவர் வெவ்வேறு பகுதிளில் கைது செய்யப்பட்டுள்ளார்கள்.

வவுனியா சிதம்பரபுரம் பகுதியில் கைது செய்யபட்ட 16 வயது  மதிக்கதக்க  இளைஞனிடமிருந்து 3  கிலோ 85 கிராம் கஞ்சாவினையும் கைது செய்யப்பட்ட 61 வயது மதிக்கத்தக்க முதியவரிடம் இருந்து 1 கிலோ 890 கிராம் கஞ்சாவினையும் வவுனியா மடுக்கந்தை  விஷேட அதிரடிப்படையினர் கைப்பற்றியுள்ளனர்.

கைதான இருவரும் வவுனியா பொலிஸாரிடம் ஒப்படைக்கப்பட்டுள்ளதுடன், இது தொடர்பான மேலதிக விசாரணைகளை வவுனியா பொலிஸார் மேற்கொண்டு வருகின்றனர்.