கொரோனா வைரஸின் புதிய வகை ஒன்றை பிரிட்டன் ஆய்வாளர்களால் கண்டுபிடிக்கப்பட்டுள்ளது.

சில மாதங்களுக்கு முன்பு ஏற்கனவே உருமாறிய கொரோனா வைரஸ் வகையொன்றை பிரிட்டனில் ஆய்வாளர்கள் கண்டுபிடித்திருந்த நிலையில், தற்போது மேலும் ஒரு புதிய வகை கொரோனா வைரஸ் தற்போது கண்டறியப்பட்டுள்ளது.

B.1.525 என்று பெயரிடப்பட்டுள்ள இந்த புதிய வகை கொரோன வைரஸ் தென்னாப்பிரிக்காவில் கண்டுபிடிக்கப்பட்டுள்ள புதிய வகை வைரஸ் தொற்றை ஒத்ததாகவும் அமைந்துள்ளமை முக்கிய அம்சமாகும்.

அத்தோடு, பிரிட்டனின் வேல்ஸிலில் இருவருக்கும், இங்கிலாந்தில் 36 பேருக்கும் இந்த வகை தொற்று உண்டாகி உள்ளதாகவும் எடின்பரோ பல்கலைக்கழக ஆய்வாளர்கள் தெரிவிக்கின்றனர்.

மேலும், டென்மார்க், நைஜீரியா, அமெரிக்கா உள்ளிட்ட  நாடுகளிலும் இந்த புதிய வகை தொற்று கண்டறியப்பட்டுள்ளதாகவும், இந்த தொற்று ஏற்பட்டதற்கான அறிகுறிகள் சில பேருக்கு டிசம்பர் மாதத்திலேயே இருந்ததாகவும் தெரியவந்துள்ளது.

இந்நிலையில், இப்புதிய வகை வைரஸ் காரணமாக எப்படிப்பட்ட பாதிப்பு ஏற்படலாம் என்பது குறித்து தற்போது ஆய்வு மேற்கொள்ளப்பட்டு வருவதாகவும் தெரியவந்துள்ளது.