11.03.2019 விளம்பி வருடம் மாசி மாதம் 27 ஆம் நாள் திங்கட்கிழமை
சுக்கில பட்ச பஞ்சமி திதி பின்னிரவு 2.22 வரை. அதன் மேல் ஷஷ்டி திதி. பரணி நட்சத்திரம் பின்னிரவு 1.59 வரை. பின்னர் கார்த்திகை நட்சத்திரம். சிரார்த்த திதி வளர்பிறை பஞ்சமி. சித்தயோகம். கீழ்நோக்கு நாள். சந்திராஷ்டம நட்சத்திரங்கள் சித்திரை, சுவாதி. சுபநேரங்கள் காலை 9.30 – 10.30, மாலை 4.30 – 5.30, ராகுகாலம் 7.30 – 9.00, எமகண்டம் 10.30 –12.00, குளிகை காலம் 1.30 – 3.00, வாரசூலம் கிழக்கு. (பரிகாரம் தயிர்)
மேடம் : உழைப்பு, உயர்வு
இடபம் : தெளிவு, அமைதி
மிதுனம் : உதவி, நட்பு
கடகம் : இன்பம், மகிழ்ச்சி
சிம்மம் : உண்மை, உறுதி
கன்னி : விருத்தி, நன்மை
துலாம் : அன்பு, பாசம்
விருச்சிகம் : நட்பு, உதவி
தனுசு : களிப்பு, மகிழ்ச்சி
மகரம் : தடை, தாமதம்
கும்பம் : சுகம், இன்பம்
மீனம் :இன்சொல், காரியசித்தி
சைவ சித்தாந்த கோட்பாடுகள் பாசத் தின் இயல்புகள் ஆணவம், மாயை, கன்மம் என பாவங்கள் மூன்று வகைப்படும். ஆணவம் அறியாமை மிக உண்டாகும்படி ஆன்மாக்களிடம் தொன்று தொட்டு உள்ளதாகும். அவை மோகம், மதம், ராகம், கவலை,தாபம், வாட்டம், விசித்திரம் என்னும் ஏழு ஆகும். மாயாமலம் உயிர்களுக்கு தனு, கரண, புவன போகங்களை கொடுத்து மயக்கங்களை ஏற்படுத்தும் மாயாகரண மலமாகும். இது சுத்த மாயை அசுத்த மாயை பிரகிந்தி மாயை என மூவகைப்படும் கன்ம மலம் ஆன்மாக்கள் தோறும் விரிந்து அனுபவமாய் நிற்பது. இது சஞ்சிதம் பிராரத்துவம், ஆகாமியம் என மூவகைப்படும். (நாளை தொடரும்)
சந்திரன், சனி கிரகங்களின் ஆதிக்க நாள் இன்று.
அதிர்ஷ்ட எண்கள்: 7, 1, 5, 6
பொருந்தா எண்கள்: 9, 8
அதிர்ஷ்ட வர்ணங்கள்: நீலம், பச்சை
இராமரத்தினம் ஜோதி
(தெஹிவளை ஸ்ரீ விஷ்ணு கோயில்)