கூகுளின் அதிரடி முடிவு!: கலங்கிப் போன மோட்டோரோலா ஊழியர்கள்

	By Kavinthan Shanmugarajah 2012-08-15 17:41:39

மோட்டோரோலா மொபைலிடி (Motorola Mobility) நிறுவனத்தினை கூகுள் இவ்வருட ஆரம்பத்தில் கொள்வனவு செய்தது.

சுமார் 12.5 பில்லியன் அமெரிக்க டொலர் செலவிலேயே இக்கொள்வனவு இடம்பெற்றிருந்தது.

இந்நிலையில் மோட்டோரோலா நிறுவனம் தொடர்ச்சியாக நட்டமடைந்து வருவதனைக் கருத்தில் கொண்டு அதிரடி முடிவொன்றினை மேற்கொண்டுள்ளது.

மோட்டோரோலா நிறுவனத்தின் 4000 ஊழியர்களைப் பணி நீக்கம் செய்வதே அம்முடிவாகும்.

இது அந்நிறுவனத்தின் மொத்த ஊழியப் படையின் 5 இல் 1 வீதமாகும்.

இப்பணிநீக்கத்தில் 3 இல் 2 பங்கு அமெரிக்காவுக்கு வெளியே இடம்பெறவுள்ளது.

மேலும் மோட்டோரோலா நிறுவனத்தின் உலகளாவிய அலுவலகங்கள் பலவற்றையும் மூடிவிட கூகுள் முடிவுசெய்துள்ளது.

எனினும் பணிநீக்கம் செய்பவர்களுக்குத் தகுந்த நட்ட ஈடு வழங்கப்படுவதோடு, வேறு இடத்தில் தொழிலைப் பெற்றுக்கொள்ள உதவியளிக்கப்படுமெனவும் கூகுள் தெரிவித்துள்ளது.