தவறவிடாதீர்கள்..!உடனே பதிவு செய்யுங்கள்

(எம்.மனோசித்ரா)

பெருந்தோட்டத் தொழிலாளர்களின் 1,000 ரூபாய் அடிப்படை சம்பள அதிகரிப்பு தொடர்பான பேச்சுவார்த்தை  சனிக்கிழமை நடைபெறவுள்ள நிலையில் , கம்பனிகளுக்கு அழுத்தம் பியோகிக்கும் வகையில் நாளைமறுதினம் வெள்ளிக்கிழமை பெருந்தோட்ட தொழிலாளர்களால் வேலை நிறுத்த போராட்டம் இடம்பெறவுள்ளது.

இலங்கை தொழிலாளர் காங்கரஸ் ஏற்பாடு செய்துள்ள இந்த வேலை நிறுத்த போராட்டத்திற்கு கூட்டு ஒப்பந்தத்தில் கையெழுத்திடும் தொழிற்சங்களில் ஒன்றான பெருந்தோட்ட தொழிற்சங்க கூட்டமைப்பு ஆதரவு தெரிவித்துள்ளது.

கூட்டு ஒப்பந்த்தில் கையெழுத்திடும் பிரிதொரு தொழிற்சங்கமான இலங்கை தேசிய தோட்டத் தொழிலாளர் சங்கம் இந்த வேலை நிறுத்த போராட்டத்திற்கு ஆதரவளிப்பதாகவோ அல்லது அதனை புறக்கணிப்பதாகவோ கூறவில்லை என்றும் , மக்கள் விரும்புவார்களாயின் அதில் கலந்து கொள்வதில் எவ்வித சிக்கலுமில்லை என்று தெரிவித்துள்ளது.

இந்நிலையில் அடிப்படை சம்பளம் 725 ரூபாவாகவும் ஏனைய கொடுப்பனவுகளுடன் 1,108 ரூபா நாளாந்த சம்பளம் வழங்குவதாகவும் குறிப்பிட்டு முதலாளிமார் சம்மேளனம் செவ்வாயன்று அறிக்கையொன்றையும் வெளியிட்டுள்ளது.