(நா.தனுஜா)
ஜெனீவாவில் எதிர்வரும் பெப்ரவரி மாதம் ஆரம்பமாகவுள்ள ஐக்கிய நாடுகள் மனித உரிமைகள் பேரவையின் 46 ஆவது கூட்டத்தொடரில் கலந்து கொள்வதற்காக தமது அமைப்பின் சார்பில் குறைந்தபட்சம் மூவரை அனுப்பி வைப்பதற்குத் திட்டமிட்டிருப்பதாக வடக்கு, கிழக்கு வலிந்து காணாமலாக்கப்பட்டோரின் உறவுகளின் சங்கம் அறிவித்துள்ளது.
காணாமல்போனோர் விவகாரத்திற்கு சர்வதேச குற்றவியல் நீதிமன்றத்தின் ஊடாகத் தீர்வைப் பெற்றுத்தருமாறு இம்முறையும் ஜெனிவாவில் வலியுறுத்தவிருப்பதாகவும் சங்கத்தின் செயலாளர் நீலாதேவி தெரிவித்துள்ளார்.
இதுகுறித்து அவர் மேலும் கூறியதாவது:
வலிந்து காணாமலாக்கப்பட்ட எமது உறவுகளுக்கு என்ன நேர்ந்தது என்பதைக் கண்டறிவதற்கு சர்வதேச குற்றவியல் நீதிமன்றமொன்று நிறுவப்பட்டு, அதனூடாக விசாரணைகள் மேற்கொள்ளப்பட வேண்டுமென்று நாம் தொடர்ச்சியாக வலியுறுத்தி வந்திருக்கிறோம். அதேவேளை காணாமல்போனோர் பற்றிய அலுவலகத்தையும் அதன் செயற்பாடுகளையும் நாம் ஏற்றுக்கொள்ளவில்லை.
இந்நிலையில் எதிர்வரும் பெப்ரவரி மாதம் ஜெனிவாவில் ஆரம்பமாகவுள்ள ஐக்கிய நாடுகள் மனித உரிமைகள் பேரவையின் 46 ஆவது கூட்டத்தொடரில் கலந்துகொள்வதற்காக வடக்கு, கிழக்கு வலிந்து காணாமலாக்கப்பட்டோரின் உறவுகளின் சங்கத்தின் சார்பில் குறைந்தபட்சம் மூவரையேனும் அனுப்பிவைப்பதற்குத் திட்டமிட்டிருக்கிறோம்.
ஏற்கனவே மூன்று தமிழ் அரசியல் கட்சிகள் இணைந்து கூட்டாகக் கையெழுத்திட்டு மனித உரிமைகள் பேரவைக்குக் கடிதமொன்றை அனுப்பிவைத்தன. அந்தக் கடிதத்தில் எமது கோரிக்கைகளும் உள்ளடக்கப்பட்டுள்ளன. எமது கோரிக்கைகளின் முன்னாள் தமிழ் அரசியல் கட்சிகளால் பிரிந்து நின்று செயற்பட முடியாத நிலையேற்பட்டது. எனவே அவர்களும் ஒருமித்துக் கையெழுத்திட்டமை அரசியல் தீர்வொன்றை அடைந்துகொள்வதற்கான பயணத்தில் குறிப்பிடத்தக்க சாதனையாகவே பார்க்கப்பட வேண்டும்.
கருத்து
தேரர்களின் ஆக்கிரமிப்புக்கள் மீண்டும் பிரபாகரனை உருவாக்குவதற்கான செயற்பாடு - வ.ஐ.ச.ஜெயபாலன் விசேட செவ்வி
25 Sep, 2022 | 11:25 AM
அனைத்தும் புதிதாக உருவாக்கபடல் வேண்டும்
08 Aug, 2022 | 09:07 AM
நமக்கு தெரிந்த முன்னைய ரணில் வெளிக்கிளம்புவார் என்று நம்புவோம் - கலாநிதி ஜெகான் பெரேரா
08 Aug, 2022 | 09:15 AM
நியாயப்பாடுடைய அரசாங்கத்தை நிறுவ ஜனாதிபதி கடுமையாக பாடுபடவேண்டியிருக்கும்
08 Aug, 2022 | 09:12 AM
போராட்டங்கள் ஊடாக பிரஜைகள் வழங்கும் அரசியல் செய்திகளை புரிந்துகொள்ளல்
27 May, 2022 | 11:24 AM