மட்டு ஏறாவூர் பொலிஸ் நிலைய பொலிசார் 4 பேருக்கு கொரோனா -பொலிஸ் நிலையத்திற்கு பூட்டு

31 Dec, 2020 | 06:28 AM

மட்டக்களப்பு ஏறாவூர் பொலிஸ் நிலையத்தில் கடமையாற்றும் பொலிசாருக்கு இன்று புதன்கிழமை (30) மேற்கொண்ட அன்டிஜன் பரிசோதனையில் 4 பொலிசாருக்கு கொரோனா தொற்று இருப்பது கண்டறியப்பட்டள்ளது.

இந்நிலையில் பொலிஸ் நிலையத்தை இன்று முதல் தற்காலிகமாக பூட்ட நடவடிக்கை எடுத்துள்ளதாக மட்டக்களப்பு பிராந்திய சுகாதார சேவைகள் பணிப்பாளர் நாகலிங்கம் மயூரன் தெரிவித்தார்.

ஏறாவூர் பொலிஸ் நிலையத்தில் கடமையாற்றும் 103 பேருக்கு இன்று புதன்கிழமை (30) திகதி சுகாதார அதிகாரிகள் பொலிஸ் நிலையத்தில் வைத்து மேற்கொண்ட பி.சி.ஆர் மற்றும் அன்டிஜன் பரிசோதனையில் 4 பொலிசாருக்கு கொரோனா தொற்றுதி கண்டறியப்பட்டுள்ளது.

இதனையடுத்து குறித்த பொலிசாரை வைத்தியசாலைகளுக்கு தனிமைப்படுத்த அனுப்பிவைக்கப்பட்டுள்ளதுடன் ஏனைய பொலிசாரை தனிமைப்படுத்தப்பட்டுள்ளதுடன் பொலிஸ் நிலையத்தை தற்காலிகமாக மூடப்பட்டுள்ளது என அவர் தெரிவித்தார்.