தவறவிடாதீர்கள்..!உடனே பதிவு செய்யுங்கள்

(எம்.மனோசித்ரா)
மேல் மாகாண பாடசாலைகளில் கல்வி நடவடிக்கைகளை மீள ஆரம்பித்தல் குறித்த இறுதி தீர்மானம் நாளை திங்கட்கிழமை எடுக்கப்படவுள்ளது. இது தொடர்பான தீர்மானத்தை கல்வி அமைச்சர் பேராசிரியர் ஜீ.எல்.பீரிஸ் அறிவிப்பார்  என கல்வி அமைச்சின் செயலாளர் பேராசிரியர் கபில பெரேரா தெரிவித்தார். 

இது தொடர்பில் அவர் மேலும் கூறுகையில் , 

கொரானா தொற்று ஒழிப்புடன், மேல் மாகாணத்திலுள்ள பாடசாலைகளில் கற்றல் செயற்பாடுகளை மீள ஆரம்பிப்பது தொடர்பில் சுகாதார அதிகாரிகளுடன் தற்போது கலந்துரையாடல்கள் இடம்பெறுகின்றன.

வலய மற்றும் கோட்டக் கல்வி பணிப்பாளர்களுடன் அவர்களின் பகுதிகளில் தற்போது கொரோனா வைரஸ் தொற்றின் நிலை எவ்வாறு காணப்படுகிறது என்பது தொடர்பில் ஆராயப்படுகிறது. 

அதற்கமைய மேல் மாகாணத்திலுள்ள பாடசாலைகளை தொடர்ந்தும் மூடுவதா, இல்லையா என்பது தொடர்பில் கல்வி அமைச்சரினால் நாளை இறுதி தீர்மானம் எடுக்கப்படவுள்ளது.

இதேவேளை நாட்டின் ஏனைய பகுதிகளில் தரம் 06  தொடக்கம்  13 வரையான வகுப்புகளுக்குரிய கற்றல் செயற்பாடுகள் தற்போது முன்னெடுக்கப்பட்டுள்ளன. எனினும், கொரோனா தொற்று ஏற்பட்ட பகுதிகளிலுள்ள சில பாடசாலைகள் மூடப்பட்டுள்ளமை குறிப்பிடத்தக்கது.