தவறவிடாதீர்கள்..!உடனே பதிவு செய்யுங்கள்

'அவெஞ்சர்ஸ்', 'கேப்டன் அமெரிக்கா' படங்களை இயக்கிய ரஸ்ஸோ சகோதரர்களின் அடுத்த படத்தில் நடிகர் தனுஷ் நடிக்கவிருக்கிறார். இந்தப் படத்தை பெரும் பொருட் செலவில் நெட்ப்ளிக்ஸ் தயாரிக்கிறது.

The Gray Man எனப் பெயரிடப்பட்டுள்ள இந்தப் படத்தில், ரையான் கோஸ்லிங், க்ரிஸ் இவான்ஸ், ஜெஸ்ஸிகா ஹென்விக் உள்ளிட்ட ஹொலிவூ நட்சத்திரங்கள் நடிக்கும் இந்தப் படத்தில், தனுஷ் மட்டுமே ஒரே இந்திய நடிகராக இருப்பார்.

இதில் தனுஷ் எந்த மாதிரியான கதாபாத்திரத்தில் நடிக்கப் போகிறார் என்பது இன்னும் அறிவிக்கப்படவில்லை. ஆனால், படத்தில் தனுஷ் நடிக்கிறார் என்பதை அதிகாரப்பூர்வமாக அறிவித்துவிட்டார்கள்.

இப்படத்தில் நடிப்பதைப் பற்றி தனுஷ், “நெட்பிளிக்ஸி-ன் தி கிரே மேன் படத்தில், ருசோ பிரதர்ஸ் இயக்கத்தில் ரியான் கோஸ்லிங், கிறிஸ் இவான்ஸ் ஆகியோருடன் இணைவது மிகுந்த உற்சாகமாக உள்ளது. அற்புதமான ஆக்ஷன் நிறைந்த அனுபவத்தைப் பெற இப்படத்தில் பங்கு பெற மிகவும் ஆவலுடன் காத்திருக்கிறேன். இந்த உலகத்தில் உள்ள என்னுடைய என்னுடைய அன்பான ரசிகர்களுக்கு மனப்பூர்வமான நன்றி. இத்தனை காலமாக என் மீது நீங்கள் செலுத்தும் அன்புக்கும் ஆதரவுக்கும் மிக்க நன்றி,” எனத் தெரிவித்துள்ளார்.

தனுஷ் 2018 இல் வெளிவந்த The Extraordinary Journey of the Fakir படத்தின் மூலம் ஹொலிவூட்டிற்கு அறிமுகமானவர். The Gray Man அவரது இரண்டாவது ஹொலிவூட் திரைப்படமாக இருக்கும்.