வடக்கு-மத்திய ஆப்பிரிக்காவில் அமைந்துள்ள நாடுகளில் ஒன்றான நைஜீரியாவில் பயங்கரவாத குழுவினால் குறைந்தது 110 விவசாயிகள் மற்றும் மீனவர்கள் கழுத்தறுத்து கொலை செய்யப்பட்ட சம்பவம் பெறும் கவலையை ஏற்படுத்தியுள்ளது.
நைஜீரியாவின் போர்னோ மாநிலத்தில் உள்ள தொழிலாளர்களே இவ்வாறு மோட்டார் சைக்கிள்களில் ஆயுதமேந்திவந்த குழுவினரால் சுற்றி வளைக்கப்பட்டு படுகொலை செய்யப்பட்டுள்ளதுடன் இவர்களின் மனைவி மற்றும் மகள்கள் தீவிரவாதிகளால் கடத்திச்செல்லப்பட்டுள்ளனர்.
ஆரம்ப கட்டதாக்குதலில் 43 தொழிலாளர்கள் கொல்லப்பட்டுள்ளனர். சனிக்கிழமை மேலும் 70 பேர் தீவிரவாதிகளின் தாக்குதலுக்கு பலியாகியுள்ளனர். இவ்வாறு உயிரிழந்தவர்களை ஞாயிற்றுக்கிழமை பிரதேச வாசிகள் அடக்கம் செய்துள்ளதாக தெரிவிக்கப்படுகின்றது.
குறித்த தாக்குதல் சம்பவத்திற்கு பின்னணியில் போகோ ஹராமா எனப்படும் தீவிரவாத குழு செயற்பட்டுள்ளதாக தெரிவிக்கப்பட்ட போதிலும் அதனை அவர்கள் இன்னும் பொறுப்பேற்கவில்லை.
இவ் கொடூரமான தாக்குதல் குறித்து, நைஜீரிய ஜனாதிபதி முகமது புஹாரி கடும் கண்டனம் வெளியிட்டுள்ளார். அத்துடன் 'இந்த கொலைகளால் முழு நாடும் காயமடைந்துள்ளது.' என தெரிவித்துள்ளார்.
நைஜீரியாவில் போகோ ஹாரம், ஐஎஸ் போன்ற பயங்கரவாத அமைப்புகள் செயல்பட்டு வரும் நிலையில் பயங்கரவாதிகளை ஒடுக்கும் நடவடிக்கையில் ராணுவமும், அரசு ஆதரவு பெற்ற குழுக்களும் ஈடுபட்டு வருகின்றன. இதனால் அரசு படையினருக்கும் பயங்கரவாத குழுக்களுக்கும் இடையே அவ்வப்போது மோதல் சம்பவங்கள் நடைபெற்று வருகிறது.
அரசுப்படையினருக்கு ஆதரவாக இருப்பதாவும், ரகசிய தகவல்கள் அனுப்புவதாகவும் கூறி அப்பாவி பொதுமக்கள் மீது போகோ ஹாரம் பயங்கரவாதிகள் அவ்வப்போது தாக்குதல்களை நடத்தி வருகின்றனர்.
இந்நிலையில், இந்த சம்பவம் நைஜீரியாவில் இந்த ஆண்டு இடம்பெற்றுள்ள அப்பாவி பொதுமக்களுக்கு எதிரான மிக வன்முறையான நேரடித் தாக்குதலாகும்.
கருத்து
தேரர்களின் ஆக்கிரமிப்புக்கள் மீண்டும் பிரபாகரனை உருவாக்குவதற்கான செயற்பாடு - வ.ஐ.ச.ஜெயபாலன் விசேட செவ்வி
25 Sep, 2022 | 11:25 AM
அனைத்தும் புதிதாக உருவாக்கபடல் வேண்டும்
08 Aug, 2022 | 09:07 AM
நமக்கு தெரிந்த முன்னைய ரணில் வெளிக்கிளம்புவார் என்று நம்புவோம் - கலாநிதி ஜெகான் பெரேரா
08 Aug, 2022 | 09:15 AM
நியாயப்பாடுடைய அரசாங்கத்தை நிறுவ ஜனாதிபதி கடுமையாக பாடுபடவேண்டியிருக்கும்
08 Aug, 2022 | 09:12 AM
போராட்டங்கள் ஊடாக பிரஜைகள் வழங்கும் அரசியல் செய்திகளை புரிந்துகொள்ளல்
27 May, 2022 | 11:24 AM