மேலும் 43 சீன செயலிகளுக்கு தடை விதித்த இந்தியா!

இ-கொமர்ஸ் நிறுவனமான அலிபாபா குழுமம் உட்பட சீனாவுக்கு சொந்தமான மேலும் 43 கையடக்கத் தொலைபேசி செயலிகளுக்கு இந்தியா அரசாங்கம் இன்று செவ்வாய்க்கிழமை தடை விதித்துள்ளது.

இந்தியாவின் இறையான்மை, ஒருமைப்பாடு, பாதுகாப்பு மற்றும் பொது ஒழுங்கு பாதுகாப்பு என்பவற்றை சுட்டிக்காட்டியே இந்தத் தடை விதிக்கப்பட்டுள்ளது.

தகவல் தொழில்நுட்பச் சட்டம் 69 A-வின் கீழ் மத்திய தகவல் தொழில்நுட்ப அமைச்சகம் இந்தத் தடை உத்தரவைப் பிறப்பித்துள்ளது.

இந்திய சைபர் குற்றப் பிரிவு ஒருங்கிணைப்பு மையத்தின் அறிக்கையின் அடிப்படையில் இந்த நடவடிக்கை எடுக்கப்பட்டுள்ளதாக இந்திய உள்துறை அமைச்சகம் விளக்கமளித்துள்ளது.

கடந்த ஜூன் மாதம் சீனாவின் 59 கையடக்கத் தொலைபேசி செயலிகளுக்கு இந்தியாவில் தடை விதிக்கப்பட்டது. டிக்டாக், ஹலோ, யூசி பிரவுசர் என்பவையும் இவற்றுள் அடங்கும்.

தொடர்ந்து, கடந்த செப்டம்பர் மாதம் 118 செயலிகளுக்குத் தடை விதிக்கப்பட்டன. நிலையில் இன்று மேலும் 43 செயலிகளுக்கு இந்திய அரசு தடை விதித்துள்ளது.

தற்சமயம் தடைவிதிக்கப்பட்டுள்ள 43 செயலிகள்:

1. AliSuppliers Mobile App

2. Alibaba Workbench

3. AliExpress - Smarter Shopping, Better Living

4. Alipay Cashier

5. Lalamove India - Delivery App

6. Drive with Lalamove India

7. Snack Video

8. CamCard - Business Card Reader

9. CamCard - BCR (Western)

10. Soul- Follow the soul to find you