தவறவிடாதீர்கள்..!உடனே பதிவு செய்யுங்கள்

(எம்.ஆர்.எம்.வஸீம்)

கொழும்பு மாநகர எல்லை பிரதேசத்தில் இதுவரை கண்டுபிக்கப்பட்டுள்ள கொரோனா தொற்றாளர்கள் எண்ணிக்கையை பார்க்கும்போது 30 ஆயிரம் பேர் வரையான தொற்றாளர்கள் இருக்கலாம் என்ற சந்தேகம் எழுகின்றது என கொழும்பு மாநகர மேயர் ரோஷி சேனாநாயக்க தெரிவித்தாா்.

கொழும்பு மாநகர எல்லை பிரதேசத்தில் கொரோனா தொற்றாளர்கள் தொடர்ந்து இனம் காணப்பட்டு வருகின்றமை தொடர்பில் கருத்து தெரிவிக்கையிலேயே இவ்வாறு குறிப்பிட்டார்.

கொழும்பு மாநகர அதிகார பிரதேசத்தில் நேற்று முன்தினம் ஞாயிற்றுக்கிழமைவரை கொரேனா தொற்றாளர்கள் 4 ஆயிரத்தி 100 பேர் வரை இனம் காணப்பட்டுள்ளதாக அறிவிக்கப்பட்டுள்ளது. 

கடந்த சனிக்கிழமை மாத்திரம் மாநகர எல்லையில் 97 தொற்றாளர்கள் இனம் காணப்பட்டுள்ளனர். அத்துடன் இதுவரை 25 க்கு அதிக மரணங்கள் பதிவாகி இருக்கின்றன.

தற்போதைய நிலைமையின் பிரகாரம் கொழும்பு மாநகர எல்லை பிரதேசத்தில் 30ஆயிரத்துக்கும் அதிக கொரோனா தொற்றாளர்கள் இருக்கலாம் என்ற சந்தேகம் எழுகின்றது. 

இருந்தபோதும் மாநகர சபை அதிகார பிரதேசத்தில் தொற்றாளர்களை கண்டு பிடிப்பதற்காக மாநகர சபையின் சுகாதார பிரிவினர் நாளாந்தம் எழுந்தமானமாக பி.சி.ஆர். பரிசோதனைகளை மேற்கொண்டு வருகின்றனர் என்றார்.