தவறவிடாதீர்கள்..!உடனே பதிவு செய்யுங்கள்

முன்னணி நகைச்சுவை நடிகர் யோகி பாபு நடிப்பில் தயாராகவிருக்கும் புதிய திரைப்படத்துக்கு 'சலூன்' எனப் பெயரிடப்பட்டிருக்கிறது.

'தர்மபிரபு', 'கன்னி ராசி' ஆகிய படங்களை இயக்கிய இயக்குனர் முத்துக்குமரன் இயக்கத்தில் தயாராகும் புதிய திரைப்படம் 'சலூன்'. இந்த படத்தில் நடிகர் 'மிர்ச்சி' சிவா கதாநாயகனாக நடிக்க, அவருடன் முக்கிய கதாபாத்திரத்தில் யோகி பாபு நடிக்கிறார். 

எஸ் மணிகண்டன் ஒளிப்பதிவு செய்யவிருக்கும் இந்த திரைப்படத்திற்கு, சாம் சி எஸ் இசை அமைக்கிறார்.

அடுத்த ஆண்டு ஜனவரியில் படப்பிடிப்பு தொடங்குகிறது என்றும், கோடையில் இப்படம் வெளியாகும் வகையில் திட்டமிடப்பட்டு வருகிறது என்றும், தற்போது இப்படத்திற்கான நடிகர் நடிகைகள் தேர்வு நடைபெற்று வருவதாகவும் இயக்குனர் முத்துக்குமரன் தெரிவித்திருக்கிறார்.