தவறவிடாதீர்கள்..!உடனே பதிவு செய்யுங்கள்

பழைய போகம்பறை சிறைச்சாலையில் கைதிகள் முன்னெடுத்த ஆர்ப்பாட்டம் இன்று பிற்பகல் முடிவுக்கு வந்துள்ளது.

பழைய போகம்பறை சிறைச்சாலையில் நேற்று 6 கைதிகளுக்கு கொரோனா தொற்று உறுதிப்படுத்தப்பட்டதையடுத்து  இன்று சிறைச்சாலையில் உள்ள கைதிகள் சிலர் தங்களுக்கு பி.சி.ஆர். பரிசோதனைகள் நடத்தக் கோரி சிறைச்சாலையின் கூரை மீது ஏறி ஆர்ப்பாட்டத்தில் ஈடுபட்டிருந்தனர்.

இந்நிலையில், சிறைச்சாலை ஆணையாளர் ஜெனரல் துஷாரா உபுல்தேனியா இன்று நடைபெற்ற ஊடகவியலாளர் சந்திப்பில், கைதிகள் தனிமைப்படுத்தல் சட்டங்களுக்கு கீழ்ப்படியாது தம்மை கொழும்பு சிறைகளுக்கு மாற்றக் கோரி ஆர்ப்பாட்டத்தில் ஈடுபட்டிருந்ததாக தெரிவித்துள்ளார்.

இதேவேளை, நாடளாவிய ரீதியில் இதுவரை 158 கைதிகளுக்கு கொரோனா தொற்று உறுதிப்படுத்தப்பட்டுள்ளதுடன், 9,500 சிறை கைதிகள் பி.சி.ஆர் பரிசோதனைக்கு உட்படுத்தப்பட்டுள்ளமை குறிப்பிடத்தக்கது.