தவறவிடாதீர்கள்..!உடனே பதிவு செய்யுங்கள்

பாரீஸ் மாஸ்டர் சர்வதேச டென்னிஸ் தொடரின் ஆடவருக்கான இறுதிப்போட்டியில் அலெக்சாண்டர் ஸ்வெரெவை வீழ்த்தி, டேனியல் மெட்வெடேவ் சம்பியன் பட்டம் வென்றுள்ளார். 

பாரீஸ் மாஸ்டர்ஸ் சர்வதேச டென்னிஸ் போட்டி பிரான்சில் நடந்தது. 

இதில் பட்டம் வெல்வார் என்று எதிர்பார்க்கப்பட்ட உலகின் 2 ஆம் நிலை வீரரான ஸ்பெய்னின் ரபெல் நடால் அரையிறுதி போட்டியில் அலெக்சாண்டர் ஸ்வெரேவிடம் அதிர்ச்சி தோல்வியடைந்தார்.

இந்த நிலையில் நேற்று நடந்த இறுதி ஆட்டத்தில் 7 ஆம் நிலை வீரரான ஜேர்மனியின் அலெக்சாண்டர் ஸ்வெரேவ், தரவரிசையில் 5 ஆவது இடம் வகிக்கும் ரஷ்ய வீரர் டேனியல் மெட்விடோவிடம் மோதினர்.

சுமார் 2 மணி நேரமும் 7 நிமிடங்கள் நீடித்த ஆட்டத்தின் முடிவில் மெட்விடேவ் 5-7, 6-4, 6-1 என்ற செட்டில் ஸ்வெரேவை வீழ்த்தி பட்டத்தை தட்டிச்சென்றார். 

பாரீஸ் மாஸ்டர்ஸ் பட்டத்தை ருசித்த 4 ஆவது ரஷ்ய வீரர் என்ற பெருமையை 24 வயதான மெட்வெடேவ் தன் வசம்படுத்தினார்.