தொற்றாளர்களை பி.சி.ஆர். இன்றி வீடுகளுக்கு அனுப்புவது பாரிய அனர்த்தமொன்றுக்கு ஆரம்பமாக அமையும் - ஐ.தே.க எச்சரிக்கை

08 Nov, 2020 | 12:15 AM
image

(நா.தனுஜா)

கொரோனா வைரஸ் தொற்று ஏற்பட்டமைக்கான அறிகுறிகள் எவையும் தொடர்ச்சியாக 10 நாட்களுக்குத்  தென்படாதவர்களை பி.சி.ஆர் பரிசோதனையின்றி மீண்டும் வீடுகளுக்கு அனுப்பிவைப்பதற்கு அரசாங்கத்தினால் மேற்கொள்ளப்பட்டிருக்கும் தீர்மானம் மிகமோசமான அனர்த்தமொன்றுக்கான  ஆரம்பமாகவே அமையும் என்று ஐக்கிய தேசியக்கட்சி எச்சரித்திருக்கிறது.

இதுகுறித்து ஐக்கிய தேசியக் கட்சியினால் சனிக்கிழமை  வெளியிடப்பட்ட அறிக்கையில் மேலும் கூறப்பட்டிருப்பதாவது:

பத்து நாட்களுக்குப் பின்னர் கொரோனா வைரஸ் தொற்று ஏற்பட்டமைக்கான அறிகுறிகள் எவையும் தென்படாதவர்களை பி.சி.ஆர் பரிசோதனையின்றி மீண்டும் வீடுகளுக்கு அனுப்பிவைப்பதற்கு அரசாங்கத்தினால் மேற்கொள்ளப்பட்டிருக்கும் தீர்மானம் மிகமோசமான அனர்த்தம் ஒன்றுக்கான ஆரம்பமாகவே அமையும். அவ்வாறான தீர்மானமொன்றை மேற்கொள்வதற்குக் காரணமாக அமைந்த ஏற்றுக்கொள்ளப்பட விஞ்ஞானபூர்வமான அறிக்கையை மக்களுக்குப் பகிரங்கப்படுத்துவது அரசாங்கத்தின் பொறுப்பாகும்.

அதேபோன்று தனிமைப்படுத்தல் பொலிஸ் ஊரடங்கு நீக்கப்பட்டதும் மக்களின் சுகாதாரப் பாதுகாப்பை உறுதிப்படுத்துவதும் அரசாங்கத்தின் பொறுப்பாகும். கொரோனா வைரஸ் பரவல் தொடர்பில் அதனைத் தடுப்பதற்குக் கடைப்பிடிக்க வேண்டிய நடைமுறைகள் தொடர்பிலும் ஜனாதிபதி, இராணுவத்தளபதி, தொற்றுநோய்த்தடுப்புப் பிரிவின் பணிப்பாளர், அரச மருத்துவ அதிகாரிகள் சங்கம் உள்ளிட்டோரால் வெளியிடப்படும் கருத்துக்கள் பலவும் ஒன்றுக்கொன்று முரணானவையாகவே இருக்கின்றன.

விசேட வைத்திய நிபுணர் சுதத் சமரவீரவின் கருத்தின்படி, ஒருவர் கொரோனா வைரஸ் தொற்றுக்குள்ளாகி இருப்பினும் அவரிடத்தில் அறிகுறிகள் எவையும் தென்படாவிடின் அவர் பி.சி.ஆர் பரிசோதனையின்றி வீடுதிரும்ப அனுமதியளிக்கப்படுகிறது.

இந்நிலையில் அண்மையில் ஸ்ரீ ஜயவர்தனபுர பல்கலைக்கழகத்தினால் மேற்கொள்ளப்பட்ட ஆய்வின் பிரகாரம் முன்னரை விடவும் தற்போது கொவிட் - 19 வைரஸின் கட்டமைப்பில் நிலைமாற்றமொன்று ஏற்பட்டிருப்பதுடன் இதனால் சமூகத்தில் அதிகளவானோருக்கு தொற்று ஏற்படக்கூடிய சாத்தியம் இருப்பது கண்டறியப்பட்டுள்ளது. அதேபோன்று வைரஸ் தொற்றுக்குள்ளான சிலர் குணமடைந்து வீடு திரும்பினாலும் கூட, மீண்டும் 21 - 28 நாட்களுக்குள்ளாக அவர்களுக்கு வைரஸ் தொற்று அறிகுறிகள் தோன்றிய சந்தர்ப்பங்களும் எமது நாட்டிலேயே பதிவாகியிருக்கின்றன.

எனவே தனிமைப்படுத்தல் பொலிஸ் ஊரடங்குச்சட்டத்தை நீக்குவதற்கு முன்னதாகவே இதற்கு முறையான தீர்வைக்காணுமாறு நாங்கள் அரசாங்கத்தை வலியுறுத்துகின்றோம். இல்லாவிட்டால் ஊரங்குச்சட்டம் நீக்கப்பட்ட பின்னர் கொரோனா வைரஸ் பரவலினால் மக்கள் எதிர்கொள்ளக்கூடிய ஆபத்து மிகவும் பாரதூரமானதாகவே இருக்கும் என்று சுட்டிக்காட்டியுள்ளது.

முக்கிய செய்திகள்

icon-left
icon-right

தொடர்பான செய்திகள்

news-image

தோட்டத் தொழிலாளர்களுக்கு அடிப்படை நாட்சம்பளமாக 2000...

2024-03-29 01:56:33
news-image

இணையவழி சிறுவர் துஷ்பிரயோகங்களை அறிக்கையிடும் புதிய...

2024-03-29 01:47:30
news-image

பழுதடைந்த உருளைக்கிழங்கு விவகாரம் : மாகாண...

2024-03-29 01:39:20
news-image

இரண்டு மாதங்களில் 983.7 மில்லியன் ரூபா...

2024-03-29 01:36:37
news-image

இராஜாங்க அமைச்சர் சிவநேசதுரை சந்திரகாந்தன் கிளிநொச்சி...

2024-03-29 01:27:15
news-image

அஜித் நிவாட் கப்ரால் உள்ளிட்ட ஐவருக்கு...

2024-03-29 00:17:44
news-image

தேர்தலை தீர்மானிக்க பஷில் ராஜபக்ஷ தேர்தல்...

2024-03-29 00:05:03
news-image

இரண்டாம் காலாண்டுக்குள் கடன்மறுசீரமைப்பு தொடர்பில் இணக்கப்பாடு...

2024-03-28 21:32:55
news-image

பரந்துப்பட்ட அரசியல் கூட்டணியின் ஜனாதிபதி வேட்பாளராக...

2024-03-28 21:31:49
news-image

தேர்தல் செலவின ஒழுங்குபடுத்தல் சட்டம் குறித்து...

2024-03-28 21:37:50
news-image

நாமலுக்கு இன்னும் காலம் இருக்கிறது ;...

2024-03-28 21:33:56
news-image

பாராளுமன்றத்தைப் பிரதிநிதித்துவப்படுத்தாத பதிவு செய்யப்பட்ட அரசியல்...

2024-03-28 21:26:04