சார்ளஸ் அதிரடி ; லூசியா ஸவுக்ஸ் வெற்றி (வீடியோ இணைப்பு)

சீ.பி.எல். தொடரின் இன்று இடம்பெற்ற லூசியா ஸவுக்ஸ் மற்றும் கயானா வொரியர்ஸ் ஆகிய அணிகளுக்கிடையிலான போட்டியில் லூசியா ஸவுக்ஸ் அணி 9 விக்கட்டுகளால் வெற்றிபெற்றுள்ளது.

முதலில் துடுப்பெடுத்தாடிய கயானா வொரியர்ஸ் அணி 20 ஓவர்கள் நிறைவில் 5 விக்கட்டுகளை இழந்து 159 ஓட்டங்களை பெற்றது.

கயானா வொரியர்ஸ் அணி சார்பாக அதிரடியாக துடுப்பெடுத்தாடிய கிரிஸ் லைன் 6 ஆறு ஓட்டங்கள் 6 நான்கு ஓட்டங்கள் அடங்கலாக 86 ஓட்டங்களையும், சுமித் 56 ஓட்டங்களையும் பெற்றுக்கொண்டனர்.

லூசியா ஸவுக்ஸ் அணி சார்பில் ஜெரோம் டெய்லர் மற்றும் வொட்சன் தலா 2 விக்கட்டுகளை கைப்பற்றினர்.

160 என்ற வெற்றியிலக்கை நோக்கி துடுப்பெடுத்தாடிய லூசியா ஸ்வுக்ஸ் அணி 16.1 ஓவர்களில் 1 விக்கட்டை மாத்திரம் இழந்து வெற்றியிலக்கை அடைந்தது.

லூசியா ஸவுக்ஸ் அணி சார்பில் சிறப்பாக துடுப்பெடுதட்தாடிய சார்ளஸ் 52 பந்துகளில் 7 ஆறு ஓட்டங்கள் 5 நான்கு ஓட்டங்கள் அடங்கலாக 94 ஒட்டங்களையும், வொட்சன் 57 ஓட்டங்களையும் பெற்றுக்கொண்டனர்.