தவறவிடாதீர்கள்..!உடனே பதிவு செய்யுங்கள்

மட்டக்களப்பு காத்தான்குடி பொலிஸ் பிரிவில் திங்கட்கிழமை (03) மாலை ஒருவருக்கு கொரோனா தொற்று உறுதி செய்யப்பட்டுள்ளதாக கிழக்கு மாகாண சுகாதார சேவைகள் பணிப்பாளர் ஏ.லதாகரன் தெரிவித்துள்ளார்.

குறித்த நபர் கொழும்புக்கு வேலை நிமிர்த்தமாக சென்று வந்து தனிமைப்படுத்தலில் இருந்தவர் எனவும், இதன்போது அவருக்கு மேற்கொள்ளப்பட்ட பி.சி.ஆர் பரிசோதனையில் இவருக்கு  கொரோனா தொற்று உறுதிப்படுத்தப்பட்டுள்ளது.

இதனையடுத்து குறித்த நபர்  தங்கியிருந்த புதிய காத்தான்குடி அப்ரார் பிரதேசம் மற்றும் அவருடன் நெருங்கிய தொடர்பை பேணிய  ரிஸ்வி நகர் பிரதேசத்தின் பல இடங்களில் உள்ள பலர் தனிமைப் படுத்தப்பட்டுள்ளனர். 

இந்நிலையில் மட்டக்களப்பு மாவட்டத்தில் கொரோனா தொற்றாளர்களின் எண்ணிக்கை 41 ஆக உயர்வடைந்துள்ளதுடன்  கிழக்கு மாகாணத்தில் தொற்றாளர்களின் மொத்த எண்ணிக்கை  78 ஆக அதிகரித்துள்ளது.