தவறவிடாதீர்கள்..!உடனே பதிவு செய்யுங்கள்

இறக்குமதி செய்யப்படும் மீன், கருவாடு, மாசி, நெத்தலி மீன் ஆகிய அத்தியாவசிய பொருட்கள் மீதான வரி அதிகரிக்கப்பட்டுள்ளதாக மீன்வளத்துறை அமைச்சகம் தெரிவித்துள்ளது.

உள்ளூர் மீன்வள துறையை பாதுகாப்பதற்காக இந்த நடவடிக்கைகள் எடுக்கப்பட்டுள்ளதாக மீன்வளத்துறை அமைச்சின் செயலாளர் இந்து ரத்நாயக்க தெரிவித்துள்ளார்.

கடந்த மாதம் 27 ஆம் திகதி முதல் அமலாகும் வகையில், இறக்குமதி செய்யப்படும் ஒரு கிலோகிராம் மீனுக்கு 200 ரூபா வரி அறவிடப்படுகின்றது.

இதற்கமைய ஒரு கிலோகிராம் கருவாட்டுக்கு 127 ரூபாவும், மாசி ஒரு கிலோகிராம் 302 ரூபாவுக்கும் நெத்தலி மீன் ஒரு கிலோகிராமிற்கு ஒரு ரூபாவும் வரி அதிகரிக்கப்பட்டுள்ளமை குறிப்பிடத்தக்கது.

சந்தையில் மீன் விற்பனைகள் குறைவடைந்துள்ள நிலையில், அவை உலர்ந்த மீன்களாக மாறுவதனால் தேசிய உற்பத்தியாளர்களின் பொருளாதாரத்தை மேம்படுத்துவதற்காக இத் தீர்மானத்தை மேற்கொண்டுள்ளதாக மீன்பிடித்துறை அமைச்சு தெரிவித்துள்ளது.