தவறவிடாதீர்கள்..!உடனே பதிவு செய்யுங்கள்

இரண்டாம் உலகப் போரின்போது பிரிட்டன் வீசிய ஒரு பெரிய வெடிகுண்டு போலாந்தில் கண்டுபிடிக்கப்பட்டதன் பின்னர் வெடிக்க வைத்து செயலிழக்கம் செய்யப்பட்டுள்ளது.

இந்த குண்டானது 12,000 பவுண்டுகள் எடை கொண்டது என்றும் மதிப்பிடப்பட்டுள்ளது.

இந்த வெடிகுண்டு போலந்தில் இதுவரை கண்டெடுக்கப்பட்ட மிகப்பெரியது. இது ஜேர்மன் கப்பலான லுட்ஸோவில் நடத்தப்பட்ட தாக்குதலில் பயன்படுத்தப்பட்டதாக நம்பப்படுகிறது.

இந் நிலையில் கண்டுபிடிக்கப்பட்ட வெடிகுண்டை அகற்றுவதற்கான நடவடிக்கையை திங்களன்று போலாந்து படையினர் ஆரம்பத்தனர்.

இதற்காக குறித்த பகுதியிலிருந்து சுமார் 750 குடியிருப்பாளர்களும் வெளியேற்றப்பட்டனர்.

அதன் பின்னர் வெடிகுண்டானது துறைமுக நகரமான ஸ்வினோஜ்ஸ்கிக்கு அருகிலுள்ள கால்வாயில் வெடிக்க வைத்து செயலிழக்கம் செய்யப்பட்டுள்ளது.

குண்டானது வெடித்தபோது கால்வாயில நீர் வானுயர சீறிப் பாய்ந்தது, எனினும் இதன் காரணமாக எந்தவொரு சேதங்களும் ஏற்படவில்லை என்று அந் நாட்டு அதிகாரிகள் கூறியுள்ளனர்.

நாஜிக்கள் ஆக்கிரமித்த போலந்து இரண்டாம் உலகப் போர் முழுவதும் நேச நாட்டு விமானங்களில் இருந்து மீண்டும் மீண்டும் குண்டுவீச்சுக்களுக்கு முகங்கொடுத்தது.

இதனால் பல நகரங்கள் பேரழிவிற்கு உள்ளாகியுள்ளமையும் குறிப்பிடத்தக்கது.