தவறவிடாதீர்கள்..!உடனே பதிவு செய்யுங்கள்

ஐக்கிய இராஜ்ஜியத்திலிருந்து கொண்டுவரப்பட்ட எஞ்சியுள்ள 242 கழிவுகள் அடங்கிய கொள்கலன்களை மீண்டும் திருப்பி அனுப்ப நடவடிக்கை எடுக்குமாறு மத்திய சுற்றுச் சழல் ஆணையகத்திற்கு மேன்முறையீட்டு நீதிமன்றம் உத்தரவிட்டுள்ளது.

அதேநேரம் 263 கொள்கலன்களை நாட்டுக்கு கொண்டுவருவதற்காக ஒத்தாசை புரிந்த நிறுவனங்களுக்கு எதிராக சட்ட நடவடிக்கை எடுக்குமாறும் சட்டமா அதிபர் தப்புல டிலிவேராவுக்கு நீதின்றம் உத்தரவு பிறப்பித்துள்ளது.

கொள்கலன்களை மீண்டும் இங்கிலாந்துக்கு திருப்பி அனுப்பக்கோரி தாக்கல் செய்யப்பட்ட மனு மீதான விசாரணை இன்று மேல் முறையீட்டு நீதிமன்றில் எடுத்துக் கொள்ளப்பட்ட போதே இந்த உத்தரவு பிறப்பிக்கப்பட்டுள்ளது.

இந்த உத்தரவுகளை மேல்முறையீட்டு நீதிமன்ற நீதிபதிகளான ஏ.எச்.எம்.டி நவாஸ், நீதிபதி சோபிதா ராஜகருணா ஆகியோர் பிறப்பித்தனர்.

போலி ஆவணங்களைப் பயன்படுத்தி 2017 இல் கொண்டுவரப்பட்ட கழிவுகளை ஏற்றிச் செல்லும் 263 கொள்கலன்களில் 21 செப்டம்பர் பிற்பகுதியில் மீண்டும் திருப்பி அனுப்பப்பட்டமை குறிப்பிடத்தக்தகது.