தவறவிடாதீர்கள்..!உடனே பதிவு செய்யுங்கள்

நாட்டில் மேலும் 51 பேர் கொரோனா தொற்றுக்குள்ளாகியுள்ளமை கண்டறியப்பட்டுள்ளது.

இவ்வாறு அடையாளம் காணப்பட்ட 51 பேரும் மினுவாங்கொடை கொவிட்-19 கொத்தணிப் பரவலுடன் தொடர்புடையவர்கள் ஆவர்.

அதன்படி  மினுவாங்கொடை தொழிற்சாலை ஊழியர்களுடன் தொடர்புகளை பேணிய 36 பேரும், தனிமைப்படுத்தல் நிலையங்களில் உள்ள 15 பேரும் இவ்வாறு கொரோனா தொற்றுக்குள்ளாகியுள்ளமை கண்டறியப்பட்டுள்ளதாக அரசாங்க தகவல் திணைக்களம் தெரிவித்துள்ளது.

இதன் மூலம் மினுவாங்கொடை கொத்தணிப் பரவலுடன் தொடர்புடைய கொரோனா தொற்றாளர்களின் எண்ணிக்கையும் 1,397 ஆக அதிகரித்துள்ளது.

இன்று வரை 90 புதிய கொரோனா தொற்றாளர்கள் நாட்டில் அடையாளம் காணப்பட்டுள்ளனர். 

கடந்த 24 மணி நேரத்தில் 10 பேர் குணமடைந்த நிலையில் வைத்தியசாலைகளிலிருந்து வெளியேற்றப்பட்டுள்ளமையினால் குணமடைந்தவர்களின் எண்ணிக்கையும் 3,317 ஆக உயர்வடைந்துள்ளது.

தற்போது நாடு முழுவதும் உள்ள 13 வைத்தியசாலைகளில் மொத்தம் 1,512 கொரோனா தொற்றாளர்கள் சிகிச்சை பெற்று வருகின்றனர்.

அதேநேரம் வைரஸ் தொற்று சந்தேகத்தின் பேரில் 306 பேர் உள்ளமையும் குறிப்பிடத்தக்கது.