ஒரு கிலோ கொக்கெய்ன் மீட்பு : சந்தேக நபருக்கு பொலிஸ் வலைவீச்சு

22 Sep, 2020 | 08:55 PM

(செ.தேன்மொழி)

பயாகல - தலுவத்த கடற்கரைப் பகுதியில் கைவிடப்பட்டிருந்த ஒரு கிலோ கிராம் கொக்கெய்ன் போதைப் பொருள் பொலிஸாரால் கைப்பற்றப்பட்டுள்ளது.

பயாகல பொலிஸ் பிரிவுக்குட்பட்ட தலுவத்த கடற்கரையோர பகுதியில் செவ்வாய்கிழமை சந்தேகத்திற்கிடமான பொதி ஒன்று காணப்படுவதாக பொலிஸாருக்கு கிடைக்கப் பெற்ற தகவலுக்கமையவே சுற்றிவளைப்புக்கள் ஆரம்பிக்கப்பட்டதாக பயாகல பொலிஸ் நிலைய பொறுப்பதிகாரி தெரிவித்தார்.

இதன்போது நீர் உற்புகாத வகையில் நன்றாக இந்த கொக்கெய்ன் போதைப் பொருள் பொதி செய்யப்பட்டிருந்துள்ளதுடன். அதிலிருந்து ஒரு கிலோ கிராம் கொக்கேன் கைப்பற்றப்பட்டுள்ளது.

இந்த கொக்கெய்ன் போதைப் பொருளை இவ்வாறு யார் கடத்தினார்கள் என்பது தொடர்பில் இன்னமும் தகவல்கள் கிடைக்கப் பெறாத நிலையில் , சந்தேக நபர்களை அடையாளம் காணுவதற்காக தொடர்ந்தும் விசாரணைகள் முன்னெடுக்கப்பட்டு வருகின்றன.