சிலாபம் - மாதம்பை பகுதியில் இடம்பெற்ற வாகன விபத்தில் வயோதிபர் ஒருவர் உயிரிழந்துள்ளார்.

பாதையோரமாக சென்றுக்கொண்டிருந்த வயோதிபரின் மீது வேன் ஒன்று மோதியதில் குறித்த விபத்து இடம்பெற்றுள்ளது.

விபத்தில் பலத்த காயங்களுக்குள்ளான வயோதிபர் உடனடியாக மாதம்மை வைத்தியசாலையில் அனுமதிக்கப்பட்டுள்ளார்.

இந்நிலையில் வயோதிபர் மேலதிக சிகிச்சைகளுக்காக சிலாபம் வைத்தியசாலையில் அனுமதிக்கப்பட்டு மீண்டும் கொழும்பு தேசிய வைத்தியசாலைக்கு அழைத்துச்செல்லப்பட்ட போது உயிரிழந்துள்ளார்.

குறித்த விபத்தில் 74 வயதுடைய வயோதிபர் ஒருவரே உயிரிழந்துள்ளார்.

விபத்துடன் தொடர்புடைய வேனின் சாரதியை பொலிஸார் கைது செய்துள்ள நிலையில், மேலதிக விசாரணைகளை மேற்கொண்டு வருகின்றனர்.