தனிமைப்படுத்தலை நிறைவு செய்த 224 பேர் வீடு திரும்பவுள்ளனர்

20 Sep, 2020 | 10:32 AM

கொரோனா தொற்று சந்தேகத்தில் தனிமைப்படுத்தல் நிலையங்களில், தனிமைப்படுத்தலை முழுமையாக நிறைவு செய்த மேலும் 224 பேர் இன்று தமது வீடுகளுக்கு செல்லவுள்ளனர்.

அந்தவகையில் நாட்டில் அமைக்கப்பட்டுள்ள தனிமைப்படுத்தல் நிலையங்களான பூசா தனிமைப்படுத்தல் நிலையம் , இராஜகிரிய தனிமைப்படுத்தல் நிலையம், பியாகம தனிமைப்படுத்தல் நிலையம் மற்றும் புனாணை தனிமைப்படுத்தல் நிலையம் , பெரியகாடு தனிமைப்படுத்தல் நிலையம் உள்ளிட்ட அனுராதபுரம் மற்றும் சிகிரியாவில் அமைக்கப்பட்டுள்ள தனிமைப்படுத்தல் நிலையங்களில் இருந்தே இவ்வாறு தனது தனிமைப்படுத்தலை நிறைவு செய்த 224 பேர் இன்று வீடு திரும்பவுள்ளனர்.

இந்நிலையில் நாட்டில் தனிமைப்படுத்தலை முழுமையாக நிறைவு செய்த 41,192 பேர் இதுவரையில் வீடு திரும்பியுள்ளனர்.

மேலும் 6,255 பேர் முப்படையினரால் பராமரிக்கப்படும் 59 தனிமைப்படுத்தல் நிலையங்களில் தனிமைப்படுத்தல்களில் இருக்கின்றனர்.

அத்தோடு நாட்டில் கொரோனா தொற்றுக்குள்ளாகி நேற்றைய முன்தினம் ஒருவர் உயிரிழந்ததை அடுத்து கொரோனாவால் உயிரிழந்தோரின் எண்ணிக்கை 13 ஆக உயர்ந்துள்ளமை குறிப்பிடத்தக்கது.