தவறவிடாதீர்கள்..!உடனே பதிவு செய்யுங்கள்

பூசா சிறைச்சாலையில் கைதிகள் பலர் முன்னெடுத்துள்ள உண்ணாவிரதப் போராட்டம் இன்று இரண்டாவது நாளாகவும் தொடர்கிறது.

குறித்த சிறைச்சாலையில் தடுத்து வைக்கப்ப்ட்டுள்ள 45 கைதிகளில் 39 கைதிகளே இவ்வாறு நேற்று காலை முதல் உண்ணாவிரதப் போராட்டத்தை ஆரம்பித்துள்ளனர்.

எனினும் அவர்களுள் 10 பேர் உண்ணாவிரதப் போராட்டத்தை கைவிட்டு, உணவை எடுத்துக் கொண்டதாக சிறைச்சாலைகள் ஆணையாளர் நாயகம் துஷார உபுல்தெனிய தெரிவித்தார்.

கொரோனா காலத்தில் உறவினர்களை பார்க்க முடியாமை காணமாக வழ்னக்கப்பட்ட உறவினர்களுடன் தொலைபேசியில் உரையாட சந்தர்ப்பமளிக்கப்படாமை, கைதிகளைப் பார்வையிட வரும் சட்டத்தரணிகளை  சோதனைக்குட்படுத்துதல், சிறைச்சாலை வளாகத்தில் சோதனை மேற்கொள்ளல் போன்றவற்றைத் தவிர்க்குமாறு வலியுறுத்தி கைதிகள் உண்ணாவிரதத்தில் ஈடுபட்டுள்ளனர்.

இந் நிலையில் கைதிகளின் நியாயமான கோரிக்கைகளுக்கு தீர்வு வழங்க நடவடிக்கை எடுப்பதாக சிறைச்சாலைகள் ஆணையாளர் நாயகம் துஷார உபுல்தெனிய தெரிவித்துள்ளார்.