தவறவிடாதீர்கள்..!உடனே பதிவு செய்யுங்கள்

கொரோனா  தொற்று அச்சத்திற்கு மத்தியில் பாப்பரசர் பிரான்சிஸ்  தனது முகக்கவசங்களை நீக்கிய பின் நேற்றையதினம் வழிபாட்டாளர்களைத் தொட்டு, சாதாரணமாக உரையாடியுள்ளார். 

உலகலாவிய ரீதியில் கொரோனா தொற்று இன்னமும் முழுமையாக கட்டுப்படுத்தப்படாத நிலையில், பல நாடுகள் வழமைக்குத் திரும்பியுள்ளன.  

இந்நிலையில், 83 வயதான பாப்பரசர் பிரான்சிஸ்  நேற்றையதினம் கொரோனா தொற்றுக்கு பின் சாதாரணமாக தமது கடமைகளுக்குத் திரும்பியுள்ளதுடன் முகக்கவசங்களை நீக்கி பின் வழிபாட்டாளர்களைத் தொட்டு, ஆசிர்வதித்துள்ளார். 

அத்துடன் நேற்றையதினம் வத்திகானில் இதுவரை பொது பார்வையாளர்களுக்கு விதிக்கப்பட்டிருந்த தடைகள் நீக்கப்பட்டுள்ளதுடன்  பாப்பரசர் பிரான்சிஸ் அவர்களுடன் நெருக்கமாக உரையாடியுள்ளார். 

நேற்றைய வழிபாட்டின் போது தனது பிரசங்கத்தில் ' ”கடவுளின் அன்பால் கொரோனா வைரஸ் தோற்கடிக்கப்படும்” என்று பாப்பரசர் பிரான்சிஸ் தெரிவித்துள்ளமை குறிப்பிடத்தக்கது.