தவறவிடாதீர்கள்..!உடனே பதிவு செய்யுங்கள்

களுத்துறை வடக்கு - வஸ்கடுவ பகுதியில் ஐஸ் மற்றும் கேரள கஞ்சா உள்ளிட்ட போதைப்பொருட்களோடு சந்தேக நபர்கள் ஐவர் கைது செய்யப்பட்டதாக பொலிஸார் தெரிவித்தனர்.

திங்கட்கிழமை பிற்பகல் தனியார் சிற்றுண்டிச்சாலையொன்றில் மேற்கொண்ட விசேட தேடுதல் நடவடிக்கைகளின் போதே குறித்த சந்தேக நபர்கள் கைது செய்யப்பட்டனர்.

சிற்றுண்டிச்சாலையிலிருந்து 14 கிராம் 200 மில்லிகிராம் ஐஸ் போதைப்பொருள், 22 கிராம் கேரள கஞ்சா , 5 அடி உயரமான கஞ்சா செடி, மதுபான உற்பத்திற்கு பயன்படுத்தப்பட்ட உபகரணங்கள் 2, முச்சக்கர வண்டி 1 மற்றும் 64,000 ரூபா பணம் ஆகியன மீட்கப்பட்டதாக பொலிஸ் ஊடகப் பிரிவு தெரிவித்தது.

வஸ்கடுவ பகுதியைச் சேர்ந்த 20, 27, 30 மற்றும் 37 வயதுடைய நபர்களே கைது செய்யப்பட்டுள்ளமை குறிப்பிடத்தக்கது. 

மேலும்,  சந்தேகநபர்களிடம் மேலதிக விசாரணைகளை பொலிஸார் முன்னெடுத்து வருகின்றமையும் குறிப்பிடதக்கது.