தவறவிடாதீர்கள்..!உடனே பதிவு செய்யுங்கள்

தெற்கு அதிவேக நெடுஞ்சாலையில் பண்டாரகம பகுதியில் இடம்பெற்ற விபத்தில் ஒருவர் உயிரிழந்துள்ளதாகப் பொலிஸார் தெரிவித்தனர்.  இந்த விபத்து நேற்று செவ்வாய்க்கிழமை முற்பகல் இடம்பெற்றுள்ளது.

மாத்தறையிலிருந்து கடவத்தை நோக்கி பயணித்த மீன் ஏற்றிச் சென்ற லொறியொன்று சாரதியின் கட்டுப்பாட்டை இழந்து வீதி புனரமைப்பு அதிகாரிகளால் திருத்த வேலைகளுக்காக நிறுத்தி வைக்கப்பட்டிருந்த லொறியொன்றுடன் மோதி விபத்து இடம்பெற்றுள்ளதாக பொலிஸ் ஊடகப் பிரிவு தெரிவித்தது.

விபத்தில் காயமடைந்த மீன் ஏற்றிச் சென்ற லொறியின் சாரதி ஹோமாகம வைத்தியசாலையில் அனுமதிக்கப்பட்ட பின்னர் சிகிச்சை பலனின்றி உயிரிழந்துள்ளார். நுகேகொட பகுதியைச் சேர்ந்த 63 வயதான நபரே இவ்வாறு உயிரிழந்துள்ளார். மேலதிக விசாரணைகளை  பொலிஸார் முன்னெடுத்து வருகின்றனர்.