தவறவிடாதீர்கள்..!உடனே பதிவு செய்யுங்கள்

மத்திய கிழக்கு நாடுகளிலிருந்து இலங்கைக்கு வருகை தந்து இலங்கை விமானப்படையினரால் தனிமைப்படுத்தப்பட்டிருந்த 63 பெண்கள் தனிமைப்படுத்தலை நிறைவு செய்து வீடு திரும்பியுள்ளனர்.

முல்லைத்தீவில் விமானப்படையினரால் நிர்வகிக்கப்பட்டு வருகின்ற தனிமைப்படுத்தல் நிலையங்களில் தங்க வைக்கப்பட்டிருந்த குறித்த பெண்கள் நேற்று முன்தினம் திங்கட்கிழமை தனிமைப்படுத்தலை நிறைவு செய்து வீடு திரும்பியுள்ளதாக விமானப்படை ஊடகப்பிரிவு தெரிவித்துள்ளது.

குறித்த தனிமைப்படுத்தல் நிலையம் விமானப்படை தளபதி எயா மார்ஷல் சுமங்கல டயஸினுடைய ஆலோசனைக்கமைய அனைத்து வசதிகளுடனும் நிர்வகிக்கப்பட்டு வருவதோடு , இங்கு விமானப்படையின் கட்டளை அதிகாரி குரூப் கெப்டன் அனுருத்த விஜேசிறிவர்தன உள்ளிட்ட அதிகாரிகளின் கண்காணிப்பின் கீழ் தனிமைப்படுத்தல் நடவடிக்கைகள் முன்னெடுக்கப்பட்டு வருவதாகவும் விமானப்படை ஊடகப்பிரிவு மேலும் தெரிவித்துள்ளது.