தவறவிடாதீர்கள்..!உடனே பதிவு செய்யுங்கள்

மொனராகலை பொலிஸ் பிரிவிற்குட்பட்ட கும்புக்கனை பகுதியில் வைத்து 62 கிலோவுக்கும் அதிகமானளவு மரை இறைச்சியடன் சந்தேக நபரொருவர் கைது செய்யப்பட்டுள்ளதாகப் பொலிஸார் தெரிவித்தனர்.

புத்தல விசேட அதிரடிப் படையினருக்குக் கிடைக்கப்பெற்ற இரகசியத் தகவலுக்கமைய நேற்று சனிக்கிழமை முற்பகல் கும்புக்கனை பகுதியில் முன்னெடுக்கப்பட்ட சோதனை நடவடிக்கைகளின் போதே குறித்த சந்தேகநபர் கைது செய்யப்பட்டுள்ளமை குறிப்பிடத்தக்கது.

குறித்த சந்தேக நபரிடமிருந்து 62 கிலோ 400 கிராம் அளவிலான மரை இறைச்சி மீட்கப்பட்டதாகப் பொலிஸ் ஊடகப் பிரிவு தெரிவித்தது. கைது செய்யப்பட்ட சந்தேகநபர் மொனராகலை வனஜீவராசிகள் திணைக்களத்pல் ஒப்படைக்கப்பட்டுள்ளதாகப் பொலிஸார் குறிப்பிட்டனர்.

கும்புக்கனை - மொனராகலை பகுதியைச் சேர்ந்த 33 வயது மதிக்கத்தக்க ஒருவரே இவ்வாறு கைது செய்யப்பட்டுள்ளமை குறிப்பிடத்தக்கது. சம்பவம் தொடர்பில் மேலதிக விசாரணைகளை பொலிஸார் முன்னெடுத்து வருகின்றனர்.