தவறவிடாதீர்கள்..!உடனே பதிவு செய்யுங்கள்

நாட்டில் நாளை நடைபெற உள்ள பொது தேர்தலுக்காக மஸ்கெலியா பிரதேச சபைக்கு உட்பட்ட பகுதிகளில் மொத்தமாக 29 வாக்கு சாவடிகள் அமைக்கப்பட்டுள்ளன. 

அவற்றில் 24 மஸ்கெலியா பொலிஸ் பிரிவிலும் 5 நல்லதண்ணி பொலிஸ் பிரிவிலும் அமைக்கப்பட்டுள்ளது.

தற்போது இப்பகுதிகளில் கடும் காற்றுடனான மழை பெய்து வந்த போதும் இன்று மதியம் 2 மணியளவில் பலத்த பொலிஸ் பாதுகாப்புக்கு மத்தியில் வாக்கு பெட்டிகள் வாக்கு சாவடிக்கும் கொண்டு செல்லப்பட்டதாக மஸ்கெலியா பொலிஸ் நிலைய பொறுப்பதிகாரி  தெரிவித்தார்.

இது குறித்து அவர் மேலும் தெரிவிக்கையில்,

 29 வாக்கு சாவடிகளுக்கும் பலத்த பொலிஸ் பாதுகாப்பு போடப்பட்டுள்ளதுடன் அந்தந்த வாக்கு சாவடிகளில் பணிபுரியும் அரச உத்தியோகத்தர்கள் மற்றும் கிராம சேவகர் தவிர்ந்த ஏனையவர்கள் செல்வது தடைசெய்யப்பட்டுள்ளது.

நாளை 5 ஆம் திகதி காலை 7.00 மணி முதல் மாலை 5.00 மணி வரையில் மக்கள் வாக்களிக்க செல்ல முடியும் எனவும் கொரோனா தடுப்பு விதிகளின்படி முக கவசம், பேனை, அடையாள அட்டை  வாக்களிக்க செல்லும் போது வாக்காளர் அட்டையை கொண்டு செல்லுமாறு பொலிஸ் நிலைய பொறுப்பதிகாரி மேலும் தெரிவித்தார்.