தவறவிடாதீர்கள்..!உடனே பதிவு செய்யுங்கள்

(செ.தேன்மொழி)

வலஸ்முல்ல பகுதியில் துப்பாக்கி மற்றும் இராணுவத்தின் சீருடைகளை வைத்திருந்ததாக சந்தேக நபரொருவர் கைது செய்யப்பட்டுள்ளார்.

வலஸ்முல்ல - தெற்கு போவல்ல பகுதியில் நேற்று திங்கட்கிழமை மாலை , பொலிஸ் விசேட அதிரடிப்படைக்கு கிடைக்கப் பெற்ற தகவலுக்கமைய மேற்கொள்ளப்பட்ட சுற்றிவளைப்பின் போதே சந்தேக நபர் கைதுசெய்யப்பட்டதாக பொலிஸ் ஊடகப்பிரிவு தெரிவித்தது.

இதன்போது குறித்த பகுதியைச் சேர்ந்த 57 வயதுடைய நபரொருவரே இவ்வாறு கைது செய்யப்பட்டுள்ளதுடன் , இவரிடமிருந்து வெளிநாட்டு துப்பாக்கி , உள்நாட்டு தயாரிப்பு துப்பாக்கி , 103 ரி 56 ரக தோட்டக்களும் , இதே வகையைச் சேர்ந்த பயிற்சி 21 பயிற்சி தோட்டாக்களும், வாள் , கத்தி உள்ளிட்ட பல கூரிய ஆயுதங்களும் மற்றும் இராணுவத்தினரின் சீருடைகள் சிலவும் கைப்பற்றப்பட்டுள்ளன.

பொலிஸ் விசேட அதிரடிப்படையினர் சந்தேக நபரை வலஸ்முல்ல பொலிஸாருக்கு ஒப்படைத்துள்ளதுடன் , பொலிஸார் மேலதிக விசாரணைகளை முன்னெடுத்து வருகின்றமை குறிப்பிடத்தக்கது.