தவறவிடாதீர்கள்..!உடனே பதிவு செய்யுங்கள்

சர்வதேச ரீதியில் கொரோனா தொற்றுக்குள்ளானவர்களின் எண்ணிக்கையானது 13 மில்லியனையும் தாண்டியுள்ள நிலையில் உயிரிழந்தவர்களின் தொகையும் அரை மில்லியனுக்கும் அதிகமாக பதிவாகியுள்ளது.

அமெரிக்காவின் ஜோன்ஸ் ஹாப்கின்ஸ் பல்கலைக்கழகத்தின் தற்போதைய புள்ளிவிபர தகவல்களின் அடிப்படையில் சர்வதேச ரீதியில் 13,061,792 கொரோனா தொற்றாளர்கள் அடையாளம் காணப்பட்டுள்ளனர்.

அதேநேரம் உயிரிழப்புகளின் எண்ணிக்கை 572,411 ஆகவும், குணமடைந்தவர்களின் எண்ணிக்கை 7,221,190 ஆகவும் பதிவாகியுள்ளது.

அமெரிக்காவிலேயே அதிகளவான கொரோனா தொற்றாளர்கள் அடையாளம் காணப்பட்டுள்ளனர். அதாவது சர்வதேச கொரோனா தொற்றாளர்களில் நான்கில் ஒரு பங்கினர் அமெரிக்காவில் பதிவாகியுள்ளனர்.

அங்கு 3,363,056 கொரோனா தொற்றாளர்கள் அடையாளம் காணப்பட்டுள்ளதுடன், உயிரிழப்புகளின் எண்ணிக்கையும் 135,605 ஆக காணப்படுகிறது.