தவறவிடாதீர்கள்..!உடனே பதிவு செய்யுங்கள்

(நா.தனுஜா)

ஜனாதிபதி செயலணிகளை உருவாக்கியமை நிறைவேற்று அதிகாரத்தினை சட்ட உரிமையின்றிப் பயன்படுத்தியமையாகும் என்பதுடன், இது ஜனநாயக நிறுவனங்களைப் புறக்கணிக்கின்ற செயலுமாகும்.

மக்களை வெளியேற்றி சகல சமுதாயங்களையும் பாதிக்கும் காணியற்ற நிலையினை உருவாக்குவதற்குத் தொல்பொருள் அடிப்படையிலான நியாயப்படுத்தல்களைத் தவறாகப் பயன்படுத்துவது இலங்கையில் ஒரு பரீட்சயமான போக்காகக் காணப்படுகின்றது.

விசேடமாக இந்தத் தேர்தல் பிரசாரக் காலத்தில் அமைதியின்மையினை உருவாக்கிச் சிறுபான்மைச் சமுதாயங்களை அச்சுறுத்தி அற்ப அரசியல் இலாபம் தேடுவது சகல இலங்கையர்களினாலும் எதிர்க்கப்படவேண்டிய ஒன்றாகும் என்று இலங்கை மக்கள் காணி ஆணைக்குழு சுட்டிக்காட்டியிருக்கிறது.

கிழக்கு மாகாணத்தின் தொல்பொருள் இடங்களைப் பாதுகாப்பதற்காக நிறுவப்பட்டுள்ள விசேட ஜனாதிபதி செயலணி தொடர்பில் அந்த ஆணைக்குழு வெளியிட்டிருக்கும் அறிக்கையிலேயே இவ்வாறு குறிப்பிட்டிருக்கிறது.