தவறவிடாதீர்கள்..!உடனே பதிவு செய்யுங்கள்

போதைப்பொருள் கடத்தல் குற்றச்சாட்டில் அவுஸ்ரேலியாவை சேர்ந்த நபர் ஒருவருக்கு  சீனாவில் மரண தண்டனை விதிக்கப்பட்டுள்ளது. இதனை அவுஸ்ரேலிய அரசாங்கம் உறுதி செய்துள்ளது.

கார்ம் அல்லது கேம் கிலெஸ்பி என்ற அந்த நபர் 7.5 கிலோ போதைப்பொருள் கடத்தியதாக கடந்த 2013 ஆம் அண்டு சீன விமான நிலையத்தில் கைது செய்யப்பட்டார். அந்நபருக்குதான் தற்போது மரண தண்டனை  விதிக்கப்பட்டுள்ளது.

மரண தண்டனை என்ற தீர்ப்பு வேதனையளிப்பதாக அவுஸ்ரேலியா வெளியுறவுத்துறை அமைச்சர் தெரிவித்துள்ளார்.

"எல்லா மக்களுக்கும் எல்லா சூழ்நிலைகளிலும் மரண தண்டனை விதிப்பதை அவுஸ்திரேலியா எதிர்க்கிறது. மரண தண்டனையை உலகளாவிய ரீதியில் ஒழிப்பதை நாங்கள் ஆதரிக்கிறோம்.

மேலும் எங்களுக்குக் கிடைக்கும் அனைத்து வழிகளிலும் இந்த இலக்கை அடைய நாங்கள் கடமைப்பட்டுள்ளோம்" என அந்நாட்டு வெளியுறவுத்துறை வெளியிட்ட செய்திக்குறிப்பில் தெரிவிக்கப்பட்டுள்ளது.

இந்த நடவடிக்கை சீனாவிற்கும் அவுஸ்திரேலியாவிற்கும் இடையிலான பதட்டங்களை மேலும் அதிகரிக்கச் செய்யும்.

கொரோனா வைரஸ் தொற்றுநோய் குறித்து முறையான விசாரணைக்கு பிரதமர் ஸ்கொட் மோரிசன் பகிரங்கமாக அழைப்பு விடுத்ததிலிருந்து இருதரப்புக்குமிடையே சர்ச்சை நிலவுகிறது.

சீனாவிற்கு போதைப்பொருள்  கடத்தியதாக இதற்கு முன்பும் அவுஸ்திரேலியர் ஒருவருக்கு தூக்கு தண்டனை விதிக்கப்பட்டுள்ளது குறிப்பிடத்தக்கது.