தவறவிடாதீர்கள்..!உடனே பதிவு செய்யுங்கள்

வெளிநாட்டு  இராஜதந்திரிகள் எவருக்கும்  சிறப்பு சலுகை  வழங்க வேண்டிய தேவை  அரசாங்கத்துக்கு கிடையாது என வெளிவிவகார அமைச்சர் தினேஸ் குணவர்தன தெரிவித்துள்ளார்.

பொதுஜன பெரமுனவின்  காரியாலயத்தில் இன்று இடம் பெற்ற  ஊடகவியலார்  சந்திப்பிலேயே அவர் இதனைக்  குறிப்பிட்டார்.

விமான நிலையத்தில்  பி. சி. ஆர் பரிசோதனையை நிராகரித்த    அமெரிக்க   இராஜதந்திரி தொடர்பில் மாறுப்பட்ட கருத்துக்கள் அரசியல் மட்டத்தில் தெரிவிக்கப்படுகின்றன.  

அமெரிக்காவிற்கு  சிறப்பு சலுகையினை வழங்க வேண்டிய தேவை அரசாங்கத்துக்கு கிடையாது.  

அந்த அமெரிக்க இராஜதந்திரி  பி சி. ஆர்  பரிசோதனையை  வியன்னா ஒப்பந்தத்தின் பிரகாரம் புறக்கணித்தாக குறிப்பிடப்படுகின்றது.

அது தவறான   செயற்பாடு என அரசாங்கம் குறிப்பிட்டுள்ளது.

கொரோனா வைரஸ்  பரவலை கட்டுப்படுத்த அரசாங்கம் முன்னெடுக்கும் பாதுகாப்பு நடவடிக்கைகளை   நாட்டுக்குள் வரும்  வெளிநாட்டு இராஜதந்திரிகள் மற்றும் தூதுவர்கள் கடுமையாக பின்பற்ற வேண்டும்.

இவ்விடயம் தொடர்பில்   இலங்கையில் உள்ள அனைத்து தூதுவராலயங்களுக்கும்  விசேட  சுற்றறிக்கை மூலம் தெரிவிக்கப்பட்டுள்ளது.

நாட்டில் தற்போது    செயற்படுத்தப்படும் பாதுகாப்பு நடவடிக்கைகளுக்கு அனைவரும் கட்டுப்பட வேண்டும் என்றார்.