தவறவிடாதீர்கள்..!உடனே பதிவு செய்யுங்கள்

(க.கிஷாந்தன்)

நபரொருவரின் கொலையுடன் தொடர்புடைய இரண்டு சந்தேக நபர்களுக்கு நுவரெலியா மேல் நீதிமன்றம் இன்று (30) மரண தண்டனை விதித்து தீர்ப்பளித்துள்ளது.

நுவரெலியா மேல் நீதிமன்ற நீதிபதி ஆச்சாரி சுமுது பிரேமச்சந்திர இந்த உத்தரவினை பிறப்பித்துள்ளார்.

குறித்த சந்தேக நபர்கள் இராகலை பொலிஸ் பிரிவிற்குட்பட்ட இராகலை மெதவத்த பகுதியில் வைத்து 1995 ஆம் ஆண்டு ஜனவரி மாதம் 26 ஆம் திகதி சோமசிறி என்பவரை தனிப்பட்ட பிரச்சினை காரணமாக கொலை செய்துள்ளனர்.

1995 ஆம் ஆண்டிலிருந்து தொடர்ந்து நடத்திய விசாரணைகளின் அடிப்படையில் இவ் உத்தரவு பிறப்பிக்கப்பட்டுள்ளது.

கொலையுடன் தொடர்புடைய அசோக பத்திரண மற்றும் விசோகுமாரி விக்கிரமசிங்க ஆகிய இரண்டு பேருக்கும் 6 மாத கடுங்காவல் சிறை தண்டனையுடன், மரண தண்டனை வழங்கி தீர்பளிக்கப்பட்டுள்ளது.

கொலை செய்யப்பட்ட சோமசிறி என்பவர் மரண தண்டனை விதிக்கப்பட்ட விசோகுமாரி விக்கிரமசிங்கவின் தந்தை என்பது குறிப்பிடத்தக்கது.