அமெரிக்காவில் ஜோர்ஜ் ப்ளொய்ட் படுகொலைக்கு நீதி கேட்டு நடத்தப்பட்ட போராட்டத்தில் முதியவர் ஒருவரை பொலிஸார் கண்மூடித்தனமாக கீழே தள்ளிவிடும் வீடியோ சமூக வலைதளங்களில் வைரலானது.
இதையடுத்து முதியவரை கீழே தள்ளிய பொலிஸார் இருவர் பணி இடைநிறுத்தம் செய்யப்பட்டுள்ளனர்.
அமெரிக்காவில் கறுப்பினத்தைச் சேர்ந்த ஜோர்ஜ் ப்ளொய்ட் (46) என்பவரை கடந்த மே 25ம் திகதி மினேபொலிஸ் காவல்துறை அதிகாரி ஒருவர் கழுத்தின் மீது தன் முழங்காலால் அழுத்தினார். மூச்சுவிடத் திணறிய ப்ளொய்ட் சிறிது நேரத்திலேயே உயிரிழந்தார்.
இந்தச் சம்பவம் உலகம் முழுவதும் கடும் கொந்தளிப்பை ஏற்படுத்தியது. இந்த படுகொலைக்கு நீதி கோரியும், கறுப்பினத்தவருக்கு எதிரான துவேஷத்தை எதிர்த்து, மக்கள் அமெரிக்க நகரங்களில் ஊரடங்கையும் பொருட்படுத்தாமல் வீதிகளில் இறங்கிப் போராடி வருகின்றனர்.
இந்நிலையில், போராட்டக்காரர்கள் மீது பொலிஸார் அத்துமீறும் காட்சிகள் அவ்வப்போது வெளியாகி, போராட்டக்காரர்களை கொந்தளிக்கச் செய்து வருகின்றன.
நியூயோர்க்கில் உள்ள புபலோ நகரில் 144 தடை உத்தரவு பிறப்பிக்கப்பட்டது. தடை உத்தரவை அமுல்படுத்த நூற்றுக்கணக்கான பொலிஸார் அணிவகுத்தனர்.
அப்போது அங்கு வந்த 75 வயது மதிக்கத்தக்க வெள்ளை இன முதியவரை, பொலிஸார் கீழே தள்ளினர்.
நிலைகுலைந்து விழுந்த முதியவர் தலையில் அடிபட்டு இரத்தம் வழிந்தபோதும், அவருக்கு உதவாமல் பொலிஸார் கடந்து செல்லும் வீடியோ வெளியாகி வைரலானது. இந்த வீடியோ ஆர்ப்பாட்டகாரர்களை மேலும் கொதிப்படையச் செய்துள்ளது.
பொலிஸாரால் கீழே தள்ளப்பட்ட முதியவர் தலையில் பலத்த காயம் ஏற்பட்டு, வைத்தியசாலையில் அனுமதிக்கப்பட்டுள்ளார்.
அவரின் நிலை கவலைக்கிடமாக உள்ளதாகத் தகவல் வெளியாகியுள்ளது. இந்நிலையில், முதியவரைக் கீழே தள்ளிய இரண்டு பொலிஸார் பணி இடைநிறுத்தம் செய்யப்பட்டுள்ளதாக புபலோ நகர மேயர் தெரிவித்துள்ளார்.
கருத்து
தேரர்களின் ஆக்கிரமிப்புக்கள் மீண்டும் பிரபாகரனை உருவாக்குவதற்கான செயற்பாடு - வ.ஐ.ச.ஜெயபாலன் விசேட செவ்வி
25 Sep, 2022 | 11:25 AM
அனைத்தும் புதிதாக உருவாக்கபடல் வேண்டும்
08 Aug, 2022 | 09:07 AM
நமக்கு தெரிந்த முன்னைய ரணில் வெளிக்கிளம்புவார் என்று நம்புவோம் - கலாநிதி ஜெகான் பெரேரா
08 Aug, 2022 | 09:15 AM
நியாயப்பாடுடைய அரசாங்கத்தை நிறுவ ஜனாதிபதி கடுமையாக பாடுபடவேண்டியிருக்கும்
08 Aug, 2022 | 09:12 AM
போராட்டங்கள் ஊடாக பிரஜைகள் வழங்கும் அரசியல் செய்திகளை புரிந்துகொள்ளல்
27 May, 2022 | 11:24 AM