தவறவிடாதீர்கள்..!உடனே பதிவு செய்யுங்கள்

அமெரிக்காவின் லொஸ் ஏஞ்சல்ஸ் நகருக்கு அருகே அமேசன் விநியோக நிலையத்தில் ஏற்பட்ட பயங்கர தீ விபத்தில் கட்டிடங்கள் இடிந்து விழுந்தன.

ரெட்லேண்ட்ஸில் உள்ள புதிதாக கட்டப்பட்ட அமேசான் விநியோக நிலையத்தில் அதிகாலை 5 மணியளவில் திடீரென தீ விபத்து ஏற்பட்டு அங்கு தீ பரவிய நிலையில், அங்கு பணிபுரிந்த 40 ஊழியர்கள் அனைவரும் கட்டிடத்தில் இருந்து  வெளியே ஓடி உயிர் தப்பினர்.

தகவலறிந்து வந்த 5 க்கும் மேற்பட்ட தீயணைப்பு வாகனங்கள் முயன்றும் தீயை அணைக்க முடியாத நிலையில், கட்டிடங்கள் அனைத்தும் தீயில் எரிந்து இடிந்து சேதமடைந்தன.

இந்த பெரும் தீ விபத்திற்கான காரணம் குறித்து பொலிசார் விசாரணை நடத்தி வருகின்றனர்.

குறித்த தீ விபத்துக்கும் ஜோர்ஜ் பிளொய்ட் கொலை போராட்டங்களுக்கும் எந்த தொடர்பும் இல்லை என்று அதிகாரிகள் தெரிவித்தனர்.