மாவனல்லை, ரம்புக்கனை பெத்தமுர மைதானத்தில் காவல் பணியில் ஈடுபட்டிருந்த பொலிஸ் அதிகாரியொருவர் மர்மமான முறையில் உயிரிழந்துள்ளார்.

ஜனாதிபதி மைத்திரிபால சிறிசேன நாளை  கேகாலை  நகரில் விசேட நிகழ்வொன்றில் கலந்துக்கொள்ள இருப்பதால் பொலிஸ் அதிகாரி குறித்த இடத்தில் பாதுகாப்பில் ஈடுபட்டுள்ளார்.

இந்த நிலையில் பொலிஸ் அதிகாரி மலசலக்கூடத்திற்கு செல்வதாக கூறி சென்றுள்ளார். எனினும் வெகு நேரமாகியும் திரும்பவில்லை. பின்பு அவரை தேடிய போது மலசலக் கூடத்திற்கு அருகிலிருந்து உயிரிழந்த நிலையில் பொலிஸார் மீட்டுள்ளனர்.

குறித்த பொலிஸ் அதிகாரியின் சடலம் ரம்புக்கனை வைத்தியசாலையில் பிரேத பரிசோதனைகளுக்காக வைக்கப்பட்டுள்ளதுடன், மேலதிக விசாரணைகளை பொலிஸார் மேற்கொண்டு வருகின்றனர்.