தவறவிடாதீர்கள்..!உடனே பதிவு செய்யுங்கள்

உலகளவில் நடைமுறையிலுள்ள ஊரடங்கு கட்டுப்பாடுகள் விரைவாக தளர்த்தப்பட்டால், கொரோனா தொற்று பரவலின் முதல் கட்டத்திலேயே இரண்டாவது தொற்று உச்சநிலையை உலக நாடுகள் சந்திக்கநேரிடும்’ என, உலக சுகாதார ஸ்தாபனம் எச்சரித்துள்ளது.

உலக சுகாதார ஸ்தாபனத்தின் அவசரபிரிவு தலைவரான மைக் ரேயான்  இந்த விடயம் தொடர்பில் தெளிவு படுத்தியுள்ளதாவது. உலக அளவில் கொரோனா வைரஸ் தொற்றால் பாதிக்கப்பட்டவர்களின் எண்ணிக்கை, 55 இலட்சத்தை தாண்டியுள்ளது. 

ஆனால் சில நாடுகளில் கொரோனா தொற்று இறங்குமுகமாக உள்ளதால், முற்றிலும் ஒழிந்து விடும் என எண்ண முடியாது.

கொரோனா வைரஸ் தொற்று முழுவதுமாக ஒழியாத நிலையில், அது மீண்டும் அதிகரிக்காமல் இருக்க அனைத்து நாடுகளும் கவனமாக இருக்க வேண்டும். 

ஊரடங்கு கட்டுப்பாடுகள் விரைவாக தளர்த்தப்பட்டால், வைரஸ் தொற்று பரவலின் முதல் கட்டத்திலேயே அதன் இரண்டாவது உச்சநிலையை அனைத்து நாடுகளும் சந்திக்க நேரிடும். இது மிக மோசமான விளைவுகளை ஏற்படுத்தும் என அவர் எச்சரிக்கை விடுத்துள்ளார்.