தவறவிடாதீர்கள்..!உடனே பதிவு செய்யுங்கள்

இங்கிலாந்து பிரதமர் டேவிட் கமரூன் அமைச்சரவையில் பெண் அமைச்சராக இருக்கும் ஜஸ்டின் கிரீனிங். சர்வதேச வளர்ச்சி துறையில் பதிவி வகித்து வருகிறார்.

47 வயதுடைய இவர் ஓரின சேர்க்கையாளர் என தெரிய வந்துள்ளது. சமீபத்தில் ஐரோப்பிய ஒன்றியத்தில் இங்கிலாந்து தொடர்வதா? வேண்டாமா? என்று பொது வாக்கெடுப்பில், ஐரோப்பிய ஒன்றியத்துடன் தொடர வேண்டும் என்பதற்காக பிரதமர் கமரூனுடன் சேர்ந்து தீவிர பிரசாரம் மேற்கொண்டார் என்பது குறிப்பிடத்தக்கது.

இந்த நிலையில் தான் ஒரு ஓரின சேர்க்கை பெண் என்பதை அவரே டுவிட்டரில் பகிரங்கமாக அறிவித்துள்ளார். இங்கிலாந்தில் இந்த வார இறுதியில் நடைபெறவுள்ள ஓரின சேர்க்கையாளர் பேரணி குறித்த அறிவிப்புக்கு இடையே இதை தெரிவித்துள்ளார். 

நான் ஒரு ஓரின சேர்க்கையாளர் என்பதை அறிவிப்பதில் மகிழ்ச்சி அடைகிறேன். எனக்கு இது ஒரு நல்ல நாள் என்றும் பெருமைப்பட்டுள்ளார்.

அவரது இத்தகவல் இங்கிலாந்து மக்களிடையே பரபரப்பையும், ஆச்சரியத்தையும் ஏற்படுத்தியுள்ளது.