தவறவிடாதீர்கள்..!உடனே பதிவு செய்யுங்கள்

2021 ஆம் ஆண்டுக்கான அவுஸ்திரேலிய பகிரங்க டென்னிஸ் போட்டி இரத்து செய்யப்படுவதற்கு வாய்ப்பு இருப்பதாக அவுஸ்திரேலிய டென்னிஸ் சங்கத்தின் ஊடகத் தொடர்பாளர் தெரிவித்துள்ளார்.

‘கிராண்ட்ஸ்லாம்’ அந்தஸ்து பெற்ற அவுஸ்திரேலிய பகிரங்க டென்னிஸ் போட்டி ஆண்டுதோறும் ஜனவரி மாதம் மெல்பர்னில் நடத்தப்பட்டு வருகிறது.

இன்னமும் 8 மாதங்கள் எஞ்சியிருந்தாலும் அடுத்த ஆண்டுக்கான அவுஸ்திரேலிய பகிரங்க  டென்னிஸ் போட்டி இரத்து செய்யப்படுவதற்கு வாய்ப்பு இருப்பதாக அவுஸ்திரேலிய டென்னிஸ் சங்கத்தின் ஊடகத் தொடர்பாளர் தெரிவித்துள்ளார்.

‘ஆட்கொல்லி நோயான கொரோனா பரவலை தடுக்க அவுஸ்திரேலிய அரசாங்கம்  ஏராளமான கட்டுப்பாடுகளை விதித்துள்ளது.

பாதுகாப்பை உறுதி செய்ய பல்வேறு வழிகாட்டுதல்களை பின்பற்ற வேண்டியுள்ளது. உள்ளூர் ரசிகர்கள் மட்டுமே அனுமதி மற்றும் வெளிநாட்டு வீரர்களை தனிமைப்படுத்த வேண்டிய சூழல் ஏற்பட்டால் போட்டியை இரத்து செய்ய நேரிடலாம்.

ஆனாலும் திட்டமிட்டபடி நடத்துவதற்கு சகலவிதமான அம்சங்களையும் கவனத்திற்கொண்டு தீவிர முயற்சி எடுப்போம்’ என்றும் அவர் கூறினார்