தவறவிடாதீர்கள்..!உடனே பதிவு செய்யுங்கள்

கொரோனா வைரஸ் பரவல் காரணமாக சிங்கப்பூரில் சிக்கித் தவித்த 186 பேர் கொண்ட இலங்கை மாணவர்கள் குழுவொன்று சற்று முன்னர் நாடு திரும்பியுள்ளனர்.

ஸ்ரீலங்கன் எயார்லைன்ஸ் நிறுவனத்துக்கு சொந்தமான யு.எல் -302 என்ற சிறப்பு விமானத்தின் மூலமாகவே இவர்கள் இன்று மாலை 4.45 மணியளவில் கட்டுநாயக்க, பண்டாரநாயக்க சர்வதேச விமான நிலையத்தை வந்தடைந்ததாக விமான நிலைய அதிகாரியொருவர் உறுதிப்படுத்தினார்.

சிங்கப்பூரில் சிக்கித் தவித்த இந்த  மாணவர்கள் குழுவினை அழைத்து வருவதற்காக குறித்த விமனமானது இன்று காலை 7.30 மணியளவில் பண்டாரநாயக்க விமான நிலையத்திலிருந்து சிங்கப்பூர் நோக்கி புறப்பட்டிருந்தது. 

விமானத்திலிருந்து தரையிறங்கிய மாணவர்களை இலங்கை  விமானப் படையினரும் சுகாதார அதிகாரிகளும், கிருமி நீக்கத்திற்குட்படுத்தியதுடன், தனிமைப்படுத்தல் நிலையங்களுக்கு இராணுவ பஸ்கள் மூலமாகவும் அனுப்பி வைக்கப்பட்டனர்.